PDA

View Full Version : سينما نعم سينما لا


malek el masry
05-30-2007, 05:41 AM
هذا التوبيك مخصص لتحليل تاريخ و مدارس السينما المصرية المختلفة
بما لها و ماعليها

و مادفعني لفتحه
هو الاوضاع الفنية المتردية للسينما المصرية حاليا



و حبدا كلامي بخواطر عامة كده عن وضع السينما المصرية حاليا ثم
انطلق منه للتحليل

انا اولا فيه افلام كتيرة ماشفتهاش فباصدر حكمي علي اللي شفته فقط بالاضافة الي اني مش مجرد بقيمها تقييم سينمائي محايد و ولكن بتدخل فيه اعتبارات اخري
قد تكون سياسية او فكرية او حتي شخصية

يعني لو افترضنا جدلا اني عضو في لجنة تحكيم و بدي درجات في التقييم فاكيد حدي درجة اعلي لفيلم زي ملاكي اسكندرية مثلا عن فيلم بنات وسط البلد لانه فيه شغل سينما احسن بكتير لكن كذوق شخصي فانا ماحبيتش ملاكي اسكندرية خالص لانه نموذج للافلام المفضلة و المعبرة عن ذوق الطبقة الوسطي الجديدة الان في مصر
.
دول ماكانتش بتعجبهم افلام محمد خان و عاطف الطيب و بيسموها افلام الصراصير لواقعيتها الشديدة و احتضانها لهموم المطحونين الاجتماعية ووجدوا ضالتهم الان في افلام زي ملاكي اسكندرية و افلام احمد السقا و كريم عبد العزيز و مني زكي الي اخره: افلام تتنوع مواضيعها بين الاكشن و المغامرات و الرومانسي و اللايت كوميدي لكنها كلها تشترك في شئ واحد هو تمثيلها لذوق و قيم و اخلاقيات الطبقة الوسطي الحديثة في المدن من رؤية اخلاقية تبسيطية و اختزالية جدا و عدم الرغبة في طرح اي هموم اجتماعية او انسانية علي الشاشة مع تهميش كامل لذوق و حياة الطبقات الاخري
و كراهية و عداء متاصل لهذه الطبقات

فيصبح الجميل و الاخلاقي
و المحترم من وجهة نظر هذه الطبقة هو الجميل و الاخلاقي و المحترم المفروض علي المجتمع ككل

وانا ضد ده. انا مع التعددية في الفن و السينما و ضرورة وجود سينما تعبر عن اذواق و هموم و مشاعر و قيم جميع الطبقات

القصة مش انك تقدم فيلم عن الفقراء لان اغلب الافلام اللي بالمنظر ده بتبقي افلام عن الفقراء كما يتصورهم فنانو الطبقة الوسطي و باستخدام انماط التعبير و القيم الجمالية بتاعت الطبقة الوسطي في الحكم علي الفقراء و تصوير و تقييم حياتهم
لكن ما ابحث عنه هو ان تكون هناك افلام تقدم حياة هذه الطبقات من منظورهم هم و من تصورهم هم نفسهم لحياتهم و عالمهم

و اعتقد ان عندنا نماذج ممتازة لهذه الافلام مثل عفاريت الاسفلت و جنة الشياطين و ليه يا بنفسج؟ و الكيت كات و سارق الفرح و هيستريا و عرق البلح و المدينة و يوم حلو و يوم مر و احلام هند و كاميليا و عيون لا تنام و للحب قصة اخيرة و طائر علي الطريق
و الحريف و بحب السيما و الساحر و غيرها

انا الافلام دي بحبها جدا. فنيا فيه منها افلام ممتازة و فيه منها افلام متوسطة لكن انا بحب الحالة اللي موجودة في هذه النوعية من الافلام و اللي بتسمح للمهمشين انهم يعبروا عن نفسيهم بشكل حقيقي صادق بدون افتعال او تهريج او تصوير كاريكاتيري او اشمئزاز مسبق
و بالمنطق ده عجبني بنات وسط البلد لانه بيقدم نفس الحالة و ان كان فنيا مش جامد

واحدة زي منة شلبي مثلا المفروض تفضل زي اول ما بدات في الساحر:
بنت الطبقات الشعبية المهمشة لكن اكبر غلط تعمله انها تحاول تتروشن و تحط نفسيها في قالب الفيديت المفضل عند جمهور الطبقة الوسطي الجديدة و المثال بتاعه حاليا هو مني زكي

نفس الكلام علي هند صبري و حنان ترك(اكثر بنات جيلها موهبة) لكن المشكلة انهم بيضطروا ان يقبلوا بالتنميط و قبول السائد لان ذوق الطبقة الوسطي الجديدة هو المهيمن و المسيطر بينما التعددية مرفوضة و البديل الاخر الوحيد المسموح به هو هزليات و كاريكاتوريات اللمبي و بوحة و عوكل و اطاطا و خالتي فرنسا

يا اما مني زكي يا اما عبلة كامل و لا يوجد بديل اخر

malek el masry
05-30-2007, 05:43 AM
حالة بتجسد عقم و خواء السينما المصرية حاليا هي حالة احمد السقا

السقا ينطبق عليه المثل اللي بيقول : قيراط حظ ولا فدان شطارة

ظريف و دمه خفيف و امكانياته البدنية كويسة لكن مواهبه التمثيلية شبه معدومة وقدراته التعبيرية بالوجه و الصوت و حركة الجسم متواضعة للغاية و الدليل ان في اغلب افلامه ممثل الدور الثاني بيبقي حضوره اعلي منه ويسرق الكاميرا منه زي خالد صالح في تيتو و مصطفي شعبان في مافيا و غيرهم

السقا امكانياته انكشفت قوي في فيلمين: فيلم مافيا لان المخرج و اعتقد انه كان شريف عرفة هراه كلوز اب كتير ووشه ماشاء الله كان جامد زي الصخر و ماعليهوش غير تعبير واحد ممل جامد ومابيتغيرش
لدرجة ان احد النقاد وصفه بانه كان زي مايكون عنده امساك بالتعبير اللي علي وشه ده

. الفيلم الثاني هو عن العشق و الهوي و الفيلم فشل فشل ذريع لان السقا مايقدرش يمثل دور فيه مشاعر و عواطف و احاسيس

بالنسبة لافلامه فانا الفيلم الوحيد ليه اللي عجبني هو تيتو الفيلم كان فيه حالة من الشجن كده حلوة انمابقية افلامه:

1- شورت و فانلة و كاب: فيلم سخيف جدا و نفس الرؤية التبسيطية اياها عن الشباب ومشاكلهم و كام اكليشيه من اكليشيهات مدحت العدل الساذجة عن السياسة(مدحت العدل كان مبشر جدا في ايس كريم في جليم و قشر البندق و امريكا شيكا بيكا لكن بعد كده خرف) و كام منظر لشرم الشيخ لزوم تنشيط السياحة و كام منظر للسقا علي الحصان فاكر نفسه براد بيت في فيلم اسطورة الخريف و كام نكتة من احمد عيد و دمتم

2- افريكانو: اعتقد انه من انتاج وزارة السياحة في جنوب افريقيا
لتنشيط السياحة هناك. هو اقرب مايكون لفيلم تسجيلي عن السفاري في جنوب افريقيا لكن دراما و سينما فانا مالقيتلهمش وجود في الفيلم ده

3-مافيا: ده كارثة لوحده و نموذج حي لافلام الطبقة الوسطي الجديدة
بخطابها التسطيحي لدرجة الهزل و الاستخفاف. الفيلم المفروض بيطرح قضية الانتماء و القضية دي المفروض تطرح في اطار واقع اجتماعي اي في اطار حياة و هموم و مشاكل الناس و الشباب الواقعية في التعليم و العمل و الاسرة و العلاقات الاجتماعية و الهوية و الدين و العادات و التقاليد مش في اطار جيمس بوند و رافت الهجان و حرب المخابرات و الرشاشات و القنابل
زي ما الفيلم قدمها

و كانما الانتماء للوطن مالوش معني انساني او معادل درامي غير ان البطل يحارب اسرائيل و الجواسيس و يشتغل مع مباحث امن الدولة ضد الجواسيس الاشرار الوحشين(اللي هما برضه الفيلم بيقدمهم كانهم كائنات خرافية في المطلق كده و مالهمش خلفيات سياسية او انسانية او اجتماعية معينة زي الاخ الجزار كده)

الفيلم ده فيه شوية كوارث هايلة الصراحة زي مثلا مبني مباحث امن الدولة اللي مطلعينه و كانه وكالة ناسا لابحاث الفضاء و دور مني زكي اللي مالوش لزمة اصلا و حاشرينه لمجرد ايجاد دور نسائي في الفيلم و الاخ حسين فهمي لما يطلع يدينا دروس في الوطنية و الاغنية الحقيرة بتاعت: زي ماهي حبها و حناخد ايه و ازاي و ليه؟

ايه المعاني الرجعية دي؟

و المعني المبطن هو ان الاوضاع في ا لبلد زي الزفت اي نعم بس غلط انك تشتكي او تحتج او تنادي بالنقد و التغيير عشان زي ماهي حبها بحلوها و مرها

لا معني للانتماء للوطن بدون ان يكفل هذا الوطن للمواطن حقوق المواطنة و يضمن له العيش في حرية و كرامة و سلام و عدل و كفاية
انما منطق زي ماهي حبها ده منطق الحكام و الطواغيت و الفاسدين اللي خاربينها و قاعدين علي تلها وعايزين يبقوا الوضع علي ماهو عليه و اي حد يعترض يقولوا عليه وحش و مش منتمي للبلد عشان المفروض زي ماهي يحبها

و ده يفكرني باغنية وطنية شهيرة للمطربة عليا في السبعينات كانت بتقول ماتقولش ايه اديتنا مصر؟ قول حندي ايه لمصر؟

مصيبة الاغنية دي و كان فيه حاجة كده اسمها مصر موجودة في المطلق ومالهاش دعوة بالمصريين

المفروض النوعية دي من الاغاني كانت انقرضت خلاص بعدما تلقت ضربة قاضية من ماهر عواد و مودي الامام في فيلم سمع هس لما مسخرهم صح:
"انا وطني بنشد و بطنطن و اتباهي بمجدك يا وطنطن. علي كل الاوطان متسلطن"

لكن عشان مستر
X
هاز نو اند
رجعلنا تاني احمد السقا و حسين فهمي
بهاناخد ايه و ازاي وليه؟ و زي ماهي حبها

قارن ده مثلا باغنية محمد فؤاد و مدحت العدل و احمد الحجار الجميلة في فيلم امريكا شيكا بيكا: "يعني ايه كلمة وطن؟"

4- حرب اطاليا: انا دخلت اتفرج عل الفيلم ده و طلعت اقول: هوا فيه ايه؟ فيلم مالوش اي لزمة اصلا ووجوده زي عدمه و زي مادخلنا زي ما خرجنا. اخر عك

5- عن العشق و الهوي: سيناريو هزيل جدا جدا من تامر حبيب و اعادة انتاج لميلودراميات و بكائيات حسن الامام و يوسف وهبي
تمثيل زبالة من السقا و مجدي كامل اللي كان منفعل زيادة عن اللزوم و اجتهادات من منة شلبي لكن المحصلة النهائية متواضعة

بالنسبة لكريم عبد العزيز فهو برضه مش موهوب زي السقا لكن مع التجارب و الشغل الكتير ممكن ييجي منه اكثر من السقا بشرط مايحبسش نفسه في ادوار الواد الجان بريمير و اللايت كوميدي
انا شفتله بس ليه خليتني احبك و حرامية في كي جي تو و حرامية في تايلاند و الباشا تلميذ و كلها هبل في الجبل. هو بس واحد من الناس الي كويس. انا سمعت ان ابو علي كويس بس ماشفتوش

بس صباح الحظوظ: في الثمانينات كان عندنا جيل موهوب من الممثلين الشباب زي ممدوح عبد العليم و احمد عبد العزيز و شريف منير و عبد الله محمود لكن الظروف الانتاجية ما اديتهمش فرص بطولة في السينما. الجيل الحالي من الممثلين الشباب اقل موهبة بكتيييير لكن خدوا فرص البطولة. سبحان الله
يرزق من يشاء بغير حساب

malek el masry
05-30-2007, 05:45 AM
حنبدا بتحليل اكثر مدارس السينما المصرية قربا الي قلبي و عقلي:

سينما الواقعية الجديدة في الثمانينات

malek el masry
05-30-2007, 05:47 AM
(1)
سينما الواقعية الجديدة في الثمانينات

الثمانينات يعني حقبة كاملة من الروائع:

:افلام عاطف الطيب
سواق الاتوبيس
البرئ
الحب فوق هضية الهرم
الزمار
التخشيبة
كتيبة الاعدام
قلب الليل
ناجي العلي
الهروب(في اواخر الثمانينات يعتبر)

:افلام محمد خان
احلام هند و كاميليا
زوجة رجل مهم
الحريف
عودة مواطن
طائر علي الطريق
خرج و لم يعد
موعد علي العشاء
سوبر ماركت
الثار


:افلام رافت الميهي
عيون لا تنام
للحب قصة اخيرة
الافوكاتو
سمك لبن تمر هندي

:افلام علي عبد الخالق
العار
الكيف
جري الوحوش

:افلام خيري بشارة
الطوق و الاسورة
العوامة 70


و مجموعة اخري من اجمل الافلام علي سبيل المثال لا الحصر:

المشبوه.... سمير سيف
حب في الزنزانة.... محمد فاضل
الغول..... سمير سيف
حتي لا يطير الدخان....احمد يحيي
زمن حاتم زهران.... محمد النجار
الصعاليك....... داود عبد السيد
ايام الرعب.... سعيد مرزوق
انقاذ ما يمكن انقاذه... سعيد مرزوق
مع سبق الاصرار(مش فاكر مين المخرج)
المجهول.... اشرف فهمي
الشريدة..... اشرف فهمي
ارزاق يا دنيا(اعتقداشرف فهمي)
الجلسة سرية...... محمد عبد العزيز
حدوتة مصرية..... يوسف شاهين
اليوم السادس.... يوسف شاهين
الشيطان يعظ.... اشرف فهمي

اهل القمة.... علي بدرخان
الجوع..... علي بدرخان
انتبهوا ايها السادة..... محمد عبد العزيز
انا لا اكذب و لكني اتجمل.... ابراهيم الشقنقيري
مجموعة افلام التلفزيون الكوميدية الظريفة اللي كتبها احمد رجب و عاطف بشاي و اخرجها الشقنقيري زي محاكمة علي بابا و فوزية البرجوازية و كتير غيرها

Us Palermo Lover
05-30-2007, 05:56 AM
malek el masry,
ما شاء الله توبيك دسم وجاي في وقته

بصراحة يا مالك انا شايف في ممثل موهبة كبيرة جدا وعاوز رأيك فيه الا وهو فتحي عبد الوهاب .. شايفه احسن من كريم عبد العزيز والسقا وممثلين كتير اللي هم علي الواجهه

مين اللي قالك ابن ابو علي فيلم حلو ؟؟ متتعودش تاخد علي كلام الناس ده فيلم في منتهي السداجه الصراحة :)

واضح انك بتتكلم علي سينما الشباب فغريبة انك مدكرتش أوقات فراغ

موافقك تماما في آخر سطرين كتبتهم .. عندك ممثلة زي غادة عادل دي مثلا بقالها سنيييين بتمثل وعمرنا ما شفنا موهبه منها لكن يمكن لانها زوجة احد المخرجين ولا معرفش ايه واسطتها .. لم تأدي أي دور الواحد يعجب به الا اخيرا السنة دي وفيلمها " في شقة مصر الجديدة " يعني بعد كل السنوات دي اخيرا قدمت عمل جيد ..

بس اجمالا انا شايف انه فيه حركة في الفترة الأخيرة وبدأ تدخل انواع جديدة من الافلام مكنتش موجودة بقالها سنين طويلة وبدأنا نشوف افكار جديدة

RedDevil
05-30-2007, 06:00 AM
malek el masry,

كل ده شايله في قلبك و ساكت

: )

كله كوم و هجوم المطربين اللبنانيين على السينما المصريه كوم

السينما مرايه (مرآه) للزوق العام ...

malek el masry
05-30-2007, 06:07 AM
Hesen Cassano,

فتحي عبد الوهاب كويس بس مش موهبة كبيرة زي احمد زكي او نور الشريف مثلا

malek el masry
05-30-2007, 06:08 AM
حنبدا برمز و اهم مخرجي سينما الواقعية الجديدة:

عاطف الطيب

malek el masry
05-30-2007, 06:10 AM
عاطف الطيب
http://upload.wikimedia.org/wikipedia/ar/6/65/Atif_taib.jpg
نبذة عن حياته

عاطف الطيب (1947 - 1995) مخرج سينمائي من مصر ولد في 26 ديسمبر من العام 1947 وحصل على دبلوم المعهد العالي للسينما - قسم الإخراج في العام 1970 وقد بدأ عاطف الطيب حياته الفنية مخرجاً للأفلام التسجيلية في العام 1972 «جريدة الصباح». ثم عمل في العام 1973 مساعداً للمخرج شادي عبدالسلام في فيلم «جيوش الشمس» ومع المخرج مدحت بكير في فيلم «ابتسامة واحدة لا تكفي» وفي العام 1978 قام بإخراج فيلم قصير من إنتاج المركز التجريبي «المقايضة» وفي العام 1979 مع المخرج يوسف شاهين في فيلم «إسكندرية ليه» وفي العام 1981مع المخرج محمد شبل في فيلم «أنياب». كما عمل عاطف الطيب مساعداً للمخرج العالمي لويس جيلبرت في فيلم «الجاسوس الذي أحبني» ومع المخرج جيلر في فيلم «جريمة على النيل» ومع المخرج مايكل بنويل في فيلم «الصحوة» ومع المخرج فيليب ليلوك في فيلم «توت عنخ أمون» ومع المخرج فرانكلين شافنر في فيلم «أبو الهول». ومن الملاحظ أن عاطف الطيب تعاون مع الكاتب والمؤلف وحيد حامد في خمسة أفلام بينما تعاون مع المؤلف بشير الديك في أربعة أفلام ومع الكاتب مصطفى محرم في ثلاثة أفلام ومع الكاتب أسامة أنور عكاشة في فيلمين فقط. كما قدم الفنان نور الشريف 9 أفلام للمخرج عاطف الطيب وأحمد زكي خمسة أفلام وكلاً من محمود عبدالعزيز و نبيلة عبيد وممدوح عبدالعليم ثلاثة أفلام بينما قدمت الفنانة هالة صدقي و لبلبة فيلمين فقط. توفي عاطف الطيب في 23 يونيو 1995 بعدما قدم خلال خمسة عشر عاماً هي مشوار حياته الفني واحداً وعشرين فيلماً سعى فيها إلى تقديم صورة واقعية عن المواطن المصري والمجتمع المصري

malek el masry
05-30-2007, 06:11 AM
فيلموجرافيا عاطف الطيب

1982 «الغيرة القاتلة» لنور الشريف ونورا و يحيى الفخراني
1983 «سواق الاتوبيس» لنور الشريف وعماد حمدي
1984 «التخشيبة» لأحمد زكي و نبيلة عبيد و «الزمار» لنور الشريف و بوسي و صلاح السعدني
1986 «الحب فوق هضبة الهرم» لأحمد زكي و آثار الحكيم و«ملف في الآداب» لصلاح السعدني و مديحة كامل و فريد شوقي و «البريء» لأحمد زكي ومحمود عبدالعزيز
1987 «أبناء وقتلة» لمحمود عبدالعزيز و نبيلة عبيد و «البدرون» لممدوح عبدالعليم و ليلى علوي و «ضربة معلم» لنور الشريف و ليلى علوي و كمال الشناوي
1989 «الدنيا على جناح يمامة» لمرفت أمين و محمود عبدالعزيز و«كتيبة الإعدام» لنور الشريف و معالي زايد و «قلب الليل» لنور الشريف وهالة صدقي
1991 «الهروب» لأحمد زكي و هالة صدقي
1992 «ناجي العلي» لنور الشريف و محمود الجندي و «ضد الحكومة» لأحمد زكي ولبلبة و «دماء على الإسفلت» لـنور الشريف و سلوى خطاب
1993 «إنذار بالطاعة» لمحمود حميدة و ليلى علوي
1994 «كشف المستور» لنبيلة عبيد و فاروق الفيشاوي
1996 «ليلة ساخنة» لنور الشريف و لبلبة و «جبر الخواطر» لشريهان و طارق لطفي و سناء يونس

malek el masry
05-30-2007, 06:18 AM
فيلم


البريء

إخراج عاطف الطيب
قصة وحيد حامد
بطولة أحمد زكي
جميل راتب
صلاح قابيل
محمود عبدالعزيز
ممدوح عبد العليم
سيناريو وحيد حامد
حوار وحيد حامد
موسيقى عمار الشريعي
تصوير سعيد شيمي

الإنتاج 1986
عرض 11 أغسطس 1986
مدة العرض 1:59

البرىء فيلم مصرى جرئ يحمل أكثر من فكرة واحدة ، يتحدث الفلم عن الحرية بمعناه الشامل عن طريق إظهار لمحات من الفساد السياسي في مصر بعد سياسة الإنفتاح وبالتحديد خلال فترة ماسميت بإنتفاضة 17 و18 يناير 1977, كما إن الفيلم يتحدث عن فكرة تحول الإنسان إلى آلة مبرمجة من أجل خدمة سلطة معينة ويختصر بعض النقاد فكرة الفيلم بالعبارة "قمع الحرية بجهل الأبرياء" . كتب مؤلف قصة الفيلم وحيد حامد في الإهداء الذي تصدر نص السيناريو المكتوب "إهداء إلى عشاق الحرية والعدالة في كل زمان و مكان أهدى هذا الجهد المتواضع" . بالرغم من جودة العمل الفني وإبداع الممثلين ، إنتقد البعض نهاية الفيلم لكونها وحسب تعبير البعض كررت النغمة الشرقية القديمة للحلول الفردية والتي تتمثل عادة في التصفيات الجسدية.

وافق وزير الثقافة المصري فاروق حسني في عام 2005 ، في إنتصار نادر لحرية الرأي والتعبير في العالم العربي على عرض النسخة الكاملة لفيلم البريء من دون حذف للمرة الأولى على شاشة السينما, بعد 19 عاماً من إنتاجه. وكان الفيلم واجه اعتراضات رقابية, وشاهده وزراء الداخلية والدفاع والثقافة في عام 1986, وطالبوا بحذف عدد من مشاهده وتغيير نهايته. تم عرض الفيلم كاملة وبدون تقطيع و رقابة في ابريل 2005 في مهرجان السينما القومي تكريما للفنان الراحل أحمد زكي, ومن المعروف ان الفيلم اختصرت منه بعض الجمل في مشاهده المختلفة في حين حذف مشهد النهاية من قبل لجنة رقابة شكلها مجلس الوزراء من 3 وزراء ، وزير الدفاع السابق المشير عبد الحليم ابو غزالة ووزير الداخلية السابق احمد رشدي ووزير الثقافة السابق احمد هيكل في عام 1986 قررت حذف المشهد بحجة ان الزمن لا يتناسب مع عرضه. يحتوي الفيلم على أغنيتين بصوت الموسيقار المبدع، عمار الشريعي، و من كلمات الشاعر عبد الرحمن الأبنودي إعتبر البعض هاتين الأغنيتين قمة في الإبداع ومعبرتين جدا عن مضمون الفيلم

Manqool.

malek el masry
05-30-2007, 06:18 AM
القصة

.
الشخصية الرئيسية في الفيلم هو أحمد سبع الليل (أحمد زكى), الشاب الريفي الفقير الذي يعيش مع أمه وأخوه عبد الصبور المتخلف عقليًّا ، لايعرف أحمد سبع الليل من الدنيا إلا قريته حيث لم تمكنه ظروفه الإقتصادية من التعليم ، مفهومه للوطن مفهوم بسيط فالبلد بالنسبة له هو الحقل الذى يزرعه بنفسه والترعة التى يقذف بجسده فيها ليقاوم حرارة الصيف والأعداء هم ما يمكن أن يراهم رؤية العين وجهاً لوجه، حيث يتوقف استيعابه الذهنى عند ذلك الحد والترفيه الوحيد الذي يمارسه بعد عناء يوم شاق هو محل البقالة الوحيد الذى يتجمع عنده بعض شبان القرية لقضاء الوقت بالحديث أو بالتسلى بالسخرية من السذج مثل أحمد سبع الليل . الشاب الجامعي الوحيد في القرية, حسين وهدان (ممدوح عبد العليم) متعاطف مع أحمد سبع الليل ويمنعه من التمادى للشباب الآخرين في السماح بالسخرية من سذاجته، ويقوم بتشجيعه على تجنيد نفسه في القوات المسلحة "للدفاع عن البلد ضد الأعداء" .

عندما يتم إستدعاء أحمد سبع الليل للتجنيد الإجباري ولأنه لايعرف ما معنى التجنيد او إلى اين يذهب يقوم حسين وهدان بتوضيح معنى التجنيد لأحمد سبع الليل فيقول "إن الجيش يحمي البلد من أعداء الوطن" ، وهنا يرد أحمد وقد فهم أن المقصود قريته " بس بلدنا ما لهاش أعداء" وهذه الجملة هي مفتاح أحداث الفيلم وافتتاحية الفيلم نصًّا وإخراجًا و تصويرًا . يتضح فيما بعد أن المطلوبين لأداء الخدمة العسكرية يخضعون لبرنامج مكثف من الفحص الطبى ، بالإضافة إلى تصنيفهم تصنيفاً ثقافياً وعلمياً، فيصبح أحمد سبع الليل الأمي الذي يجهل القراءة والكتابة، في ذيل القائمة وينتهي الأمر به إلى الإنخراط ضمن قوات حراسة أحد المعتقلات الخاصة بالمسجونين السياسيين في منطقة صحراوية معزولة، وهناك يتم تدريبه على إطاعة الأوامر بأسلوب "الطاعة العمياء" التى تتطلب تنفيذ الأوامر بدون أية مناقشة حتى ولو كانت منافية للمنطق. في المعتقل نرى العقيد توفيق شركس (محمود عبدالعزيز) وهو نمط الضباط الذي يعيش حياة مزدوجة بين حياته الخاصة حيث يبدو في غاية اللطف والرقة ، وبين حياته العملية حيث يمارس أبشع وسائل التعذيب بعنف ووحشية فنرى الإزدواجية في شخصية العقيد عندما يشارك طفلته في اختيار هدية عيد الميلاد فإنه يرفض أن يبتاع لها لعبة على شكل "عسكر وحرامية" وإنما يختار لها آلة موسيقية رقيقة هى الجيتار، بل إنه لا يتعامل بغلظة مع شرطي المرور الذى يعنفه لوقوفه بسيارته في الممنوع. في مقابل ذاك يتحول توفيق شركس إلى وحش بشرى في معسكر الاعتقال، لا يخضع لأى وازع إلا إرضاء الرؤساء الذين يكلفونه بواجبات منصبه، فيبالغ في التنكيل بنزلاء المعتقل. يرى أحمد سبع الليل ان المعتقلون يجبرون على تناول الخبز من الأرض وأيديهم خلف ظهورهم ، فيسأل لماذا؟ فيقول له الشاويش هؤلاء أعداء الوطن [1].

من بين المعتقلين نرى الكاتب رشاد عويس (صلاح قابيل) و أستاذ الجيولوجيا (جميل راتب) . ولسذاجة أحمد وبساطته فأنه يعترض على أن يقدم الجيش الطعام لأعداء الوطن ويقوم بحراستهم بكل يقظة والعمل على إجهاض أية محاولة من أحدهم للخروج عن نظام المعتقل، ولا يتأثر على الإطلاق بسوء المعاملة وقسوتها، التى يبديها قائد المعسكر العقيد توفيق شركس وضباطه وهم يسيئون معاملة مسجونيهم إلى حد الإهانات الجارحة والتعذيب البدنى المبرح، بل إن أحمد سبع الليل يرى أنه من المفروض قتل هؤلاء "الأعداء" لكى يعود كل "عسكرى لغيطه وداره". تمر أحداث الفيلم سريعا بعد ذلك وتعكس صورة لواقع مرير من تزييف الحقائق حينما يتبدل حال السجن فور ورود معلومات بوجود لجنة تفتيش لتقييم السجن، فيعامل المساجين معاملة طيبة وتفتح لهم مكتبة وملاعب كرة القدم، وما إن تنتهى اللجنة من عملها وتغادر المعتقل حتى تعود الأمور لحالها السيء في البداية [2].


الشاعر عبد الرحمن الأبنودييستعمل المخرج الناي كرمز للعائق الوحيد من تحويل الإنسان إلى آلة فأحمد سبع الليل يعشق الناي وعندما يعزف أحمد على الناي في موقع حراسته ، يأمره الشاويش بإلقاء الناي ، ونرى الناي ، وهو يسقط من برج الحراسة إلى الأرض وتنتهي الحركة الأولى من الفيلم ، وتبدأ الحركة الثانية بالغناء الجماعي للمعتقلين من تأليف الشاعر عبد الرحمن الأبنودي دون موسيقى ولا آلات أغني بدموعي لضحكة الأوطان. يبدأ في الجزء الثاني من الحبكة محاولة الكاتب رشاد عويس (صلاح قابيل) الهرب ولأن الحارس الساذج أحمد يؤمن فعلا بأن المعتقلين أعداء الوطن ، يقوم بمطاردته حتى أخر نفس لتنتهى المطاردة بمعركة بين الجندى الشاب والكاتب المعتقل يزهق فيها الفتى روح الرجل خنقاً وسط هتاف المعتقلين "إنت مش فاهم حاجة"، وهو يعتقد أنه يطهر الوطن من مثل هذا العدو وتكون مكافأته إجازة يذهب فيها إلى قريته وترقيته إلى رتبة العريف تقديراً لشجاعته وبطولته.

تأتي قمة الإثارة في الفيلم حينما يأتي مجموعة من طلاب الجامعة "للتأديب" في المعتقل لتعبيرهم عن رأيهم ويستعد أحمد بالعصاة في يده لتأديب أعداء الوطن، ولكن المفاجاة أن أحد الطلاب هو ابن قريته حسين وهدان (ممدوح عبد العليم) الذى يحبه "أحمد" حبا كبيرا، وتعلم على يديه العديد من أمور الحياة وواجبه تجاه الجندية، وهنا يعصي "أحمد" الأوامر ويمتنع عن ضرب ابن قريته بل ويدافع عنه ويصرخ وهو يحميه بجسده ويتلقى السياط عنه "هذا حسين أفندي إنني أعرفه إنه ليس من أعداء الوطن" . وهنا تبدأ الحركة الأخيرة من هذا العمل السينمائي، وفيها يعاني أحمد لحظة التنوير عندما يدرك أنه لا يحارب أعداء الوطن ، ويسجن مع حسين ، ويموت حسين بين ذراعي صديقه متأثرًا بلدغة ثعبان ، ويعود أحمد إلى عمله وعيناه تقولان إنه قرر أمرًا ، ولكن أحدًا لا يستطيع التنبؤ به . ومرة ثانية يغني المعتقلون أغنية حزينة عن تبديل الحقيقة ، وقلب المعاني . ويعزف أحمد على الناي القديم الذي صنعه بيديه ، ومن موقعه في برج الحراسة ، الناي في يد ، والرشاش في اليد الأخرى ، يرى السيارات قادمة تحمل المزيد من المعتقلين ، فيرفع الرشاش ويصرخ صرخة مدوية ينتهي معها الفيلم كما عرض على الجمهور ولكن الفيلم في نسخته الأصلية يتضمن خاتمة يطلق فيها أحمد الرصاص على الضباط والجنود ، ويلقى مصرعه بدوره على يد أحد الجنود ، بينما المعتقلون يدقون أبواب سيارات النقل الكبيرة من الداخل ويطالبون بالحرية [3

Manqool

malek el masry
05-30-2007, 06:21 AM
لمحات وقضايا إخراجية

أصر الممثل أحمد زكي ان يلقي عليه محمود عبدالعزيز ثعابين حقيقية سامة داخل الزنزانة الصغيرة ليكون التعبير عن الخوف حقيقيا وليس ثمثيلا، يقول "أحمد زكي" : شعرت بخوف حقيقي من الثعابين و حاولت القضاء عليها جميعا لكن كانت تجربة لاتنسى" ]

المؤلف وحيد حامدعتدما كان وحيد حامد يكتب سيناريو الفيلم وعلى لسانه "كان في ذهنه و قلبه" صورة الممثل أحمد زكي لتجسيد شخصية أحمد سبع الليل وكان احمد زكي في ذلك الوقت قد طلب من الكاتب وحيد حامد فيلما لينتجه من خلال شركة الإنتاج التي كان أحمد زكي قد بدأ تكوينها ولكن بعد أن قرأ أحمد زكي السيناريو أعاده إلي وحيد حامد وقال: آسف لا أحب أن يكون هذا الفيلم باكورة إنتاجي، وبعد فترة اشترته منه الفنانة سميرة أحمد لتنتجه من خلال شركتها والطريف أنها اختارت أحمد زكي لبطولته [5].
أحداث الفلم يتناول حادثة وقعت للمؤلف وحيد حامد شخصيا خلال انتفاضة 17 و18 يناير 1977 ].
يعتقد بعض النقاد إن السيناريو قد نجح في الخروج من إطار المعتقل، عندما كانت الكاميرا في الريف مع سبع الليل، تنقل لنا الخلفية الاجتماعية لبطل الفيلم، لكي تكون تصرفاته بعد ذلك مبررة ومنطقية، وفي المقابل لم ينجح السيناريو كثيراً في خروجه مع الضابط محمود عبد العزيز من المعتقل، رغبة في إعطاء شخصيته عمقاً وبعداً نفسياً واجتماعيا، حيث لم يؤثر ذلك في شخصية الضابط ولم يبرر تصرفاته السادية ].

يعتقد بعض النقاد ان الفيلم كله كان عبارة عن الأداء العبقري للمثل احمد زكي فشخصية سبع الليل أداها هذا الفنان ببساطة وصلت أحياناً إلى حد السذاجة التي يحتاجها الدور فعلاً ، ولم يتخل عنها لحظة واحدة . إننا نشعر بأن أحمد زكي لا يمثل وإنما يقدم جانباً من شخصية موجودة في أعماقه ولم تلوثها المدنية بعد]

يعتقد بعض النقاد إنه بالرغم من ان فيلم البريء قد تناول موضوعاً خطيراً ومهماً ، إلا أن هذا التناول لم يتلائم وحساسية هذا الموضوع . فالمعالجة جاءت تقليدية وضاعت بين الميلودراما المؤثرة المصحوبة بالعنف ، وبين إطروحات الفن الملتزم والموضوع السياسي . لهذا جاء الفيلم ركيكاً في كتابته الدرامية ، معتمداً في نجاحه على فكرته الجريئة ]

مطاردة الشاحنة التى يهرب بها رشاد عويس (صلاح قابيل) كيف لها أن تتم بواسطة حصان يركبه شركس (محمود عبد العزيز) وبالأكثر كيف لها أن يطاردها أحمد زكي (أحمد سبع الليل ) راكضاً بساقية على قدميه؟ ]


الفيلم يحتوي على أغنيتين بصوت الموسيقار عمّار الشريعي، و من أشعار عبد الرحمن الأبنودي الأولى هي اغنية يا قبضتي
دقي على الجدار لحد ليلنا ما يتولدله نهار
يا قبضتي دقي على الحجر لحد ما تصحي جميع البشر
لحد ما تتفسر الأسرار مش فاهم اللي حاصل
لكن بقلبي واصل و اللي مش فاهمه عقلي
بتشرحه السلاسل يا قلوب بتنزف دم في العتمة
ياقلوب بتنزف دم و تغني سجنوا و بيسجنوا الكلمة
و الكلمة غصب عنها أو عن طلعت من القضبان و من الأسوار

Manqool

malek el masry
05-30-2007, 06:23 AM
[القضايا التى يثيرها الفيلم

مفهوم الحرية في أكثر من اتجاه، مثل حرية التعبير عن الأفكار السياسية؛ ممثلة في الكاتب رشاد عويس، وحرية المواطن الخاصة ممثلة في حقه في محاكمة عادلة وهى تظهر في شخصية الموظف الذى قبض عليه أثناء معاكسته للنسوة، فيتم اعتقاله كمتهم سياسى، وحرية الإنسان في حياته الشخصية ممثلة في عالم الجيولوجيا الذى يتم اعتقاله وتعذيبه للضغط عليه ليغير من شكل تركيب حياته الأسرية المستقرة بتطليق زوجته، وحرية الجموع في التعبير عن القضايا العامة ممثلة في الطلبة ومن بينهم حسين وهدان.
مفهوم حقوق الإنسان، خاصة حقوق السجناء وظاهرة الاختفاء القسرى والتعذيب والاعتراف تحت ظروف الإكراه، وتنفيذ فعل معين تحت وطأة التعذيب.
فكرة التعارض بين مفهوم الجندية ومفهوم مصلحة الوطن.
مفهوم الطاعة العسكرية المطلقة في الحياة النظامية والعسكرية.
الجلاد كصنيعة للسلطة قد يتحول إلى النقيض فيثور على صانعه، بل يصل الأمر إلى قيامه بالإجهاز عليه تماماً

Manqool

malek el masry
05-30-2007, 06:25 AM
ماخذي علي فكر الفيلم تنحصر في شخصيتي ممدوح عبد العليم و محمود عبد العزيز و ساتكلم عنها بالتفصيل غدا ان شاء الله

barby
05-30-2007, 08:48 AM
malek el masry,

معلش يا مالك حاطلب منك تأجل سينما نعم و نتكلم الاول عن سينما لا


دول ماكانتش بتعجبهم افلام محمد خان و عاطف الطيب و بيسموها افلام الصراصير لواقعيتها الشديدة و احتضانها لهموم المطحونين الاجتماعية ووجدوا ضالتهم الان في افلام زي ملاكي اسكندرية و افلام احمد السقا و كريم عبد العزيز و مني زكي الي اخره: افلام تتنوع مواضيعها بين الاكشن و المغامرات و الرومانسي و اللايت كوميدي لكنها كلها تشترك في شئ واحد هو تمثيلها لذوق و قيم و اخلاقيات الطبقة الوسطي الحديثة في المدن من رؤية اخلاقية تبسيطية و اختزالية جدا و عدم الرغبة في طرح اي هموم اجتماعية او انسانية علي الشاشة مع تهميش كامل لذوق و حياة الطبقات الاخري
و كراهية و عداء متاصل لهذه الطبقات


ممكن توضح اكتر ايه هو تعريف الطبقة الوسطى الحديثة فى مصر

و ايه هى افلامها و مين هو الجمهور بتاعها؟

لانى بصراحة مش مقتنعة بان الافلام الحالية مقتصرة على جمهور طبقة معينة

اللى لاحظته ان الافلام دى اللى بيعجب بيها اكتر هما الشباب اللى مرحلة الثانوية العامة و الجامعة و مش كلهم طبعا
و مش عارفة بصراحة هل ده استسلام للذوق السائد المفروض عليهم و لا هما اللى عايزين كده

اما باقى الجمهور فممكن يتفرج على الافلام دى اذا سنحت الفرصة من اجل الفضول

و طبعا مش بيعجب بها و اما بيحبوا يتفرجوا على سينما بجد بيشوفوا الافلام الاجنبية

انا شخصيا اتفرجت بس على الافلام اللى بيقولوا عليها عملت ضجة و كويسة زى سهر الليالى و ملاكى اسكندرية لكن لقيتها مش على المستوى اللى كنت اتوقعه
بسبب ان السيناريو مش جامد قوى او ان معظم اللى بيمثلوا نص لبة
وفهمت طبعا انها كويسة جدا بالنسبة للمستوى المتدهور الموجود حاليا

khaloda
05-30-2007, 09:02 AM
malek el masry,

توبيك بجد رائع
والافلام اللى زكرتها من احلى افلام السينما المصريه

MIB
05-30-2007, 09:07 AM
مطاردة الشاحنة التى يهرب بها رشاد عويس (صلاح قابيل) كيف لها أن تتم بواسطة حصان يركبه شركس (محمود عبد العزيز) وبالأكثر كيف لها أن يطاردها أحمد زكي (أحمد سبع الليل ) راكضاً بساقية على قدميه؟ ]


فعلا دي نقطة الضعف الاكبر في الفيلم
وطريقة قتل صلاح قابيل غاية في السذاجة

barby
05-30-2007, 09:34 AM

khaloda
05-30-2007, 10:53 AM
مطاردة الشاحنة التى يهرب بها رشاد عويس (صلاح قابيل) كيف لها أن تتم بواسطة حصان يركبه شركس (محمود عبد العزيز) وبالأكثر كيف لها أن يطاردها أحمد زكي (أحمد سبع الليل ) راكضاً بساقية على قدميه؟ ]


فعلا كانت مطارده هبله قوى :-P
بس احمد زكى كان مقنع فى تقمص الشخصيه

وعجبنى ف الاخر لما رجع تانى واتشالت منه الترقيه
رجع برج المرابه
وجاب الناى بتاعه ويعزف
بتدل ان مفيش حاجه اتغيرت وكل حاجه رجعت للاول
وصوت الناى الحزين ان فيه حاجه اتكسرت جواه بس اخره هيطلعها بالنفخ

الفيلم يحتوي على أغنيتين بصوت الموسيقار عمّار الشريعي، و من أشعار عبد الرحمن الأبنودي الأولى هي اغنية يا قبضتي


كانت اانى مؤثره وتوظيفها كان جيد ف الفيلم

malek el masry
05-30-2007, 05:43 PM
اعتراضي الاساسي في فيلم البرئ علي شخصية ممدوح عبد العليم لانها بتعكس تحيز وحيد حامد و عاطف الطيب لمثقف الطبقة الوسطي

و كانما تنوير الانسان المصري البسيط بحقوقه و ادراكه حقائق الاوضاع لا يتم الا من خلال التنوير و الرعاية الابوية للمثقفين
و الوضع ده هو انتاج اصيل لطبيعة الدولة الاستبدادية في مصر و فكرة الوطنية ذات البعد الاحادي المحتكر للحقيقة

يعني و ياللسخرية ممدوح عبد العليم جاي من نفس المصدر اللي افرز محمود عبد العزيز

malek el masry
05-30-2007, 05:46 PM
بالنسبة لشخصية محمود عبد العزيز فالفيلم قدمه بشكل يغلب عليه الميلودرامية

و الطرح ايضا غير سليم لانه بيختزل الاستبداد السياسي في سادية اشخاص اصحاب السلطة و هو طرح يعجز عن فهم الاليات المعقدة للاستبداد

ladyde
05-30-2007, 06:01 PM
malek el masry, فيلم البرئ منأجمل الأفلام المصرية في الثمانينات اللي ميكانش فيها الا سينما مغرقة في الواقعية أو أفلام مقاولات من عينة كل ستات مصر رقاصات و رجالتها صبيان عوالم

malek el masry
05-30-2007, 06:08 PM
ladyde,

سينما المقاولات عاملينلها تغطية خاصة و متميزة في توبيك وليد عن حسن الصيفي
:-P

malek el masry
05-30-2007, 06:11 PM
ladyde,

سينما المقاولات عاملينلها تغطية خاصة و متميزة في توبيك وليد عن حسن الصيفي
:-P

malek el masry
05-30-2007, 06:12 PM
malek el masry, أفلام مقاولات من عينة كل ستات مصر رقاصات و رجالتها صبيان عوالم

اعتقد الوصف ده لا ينطبق علي افلام المقاولات و لكنه يصلح اكثر لوصف افلام السينما التجارية: افلام المخدرات و العصابات و الاكشن و الرقاصات زي افلام نادية الجندي كده.

افلامها مش افلام مقاولات لانها انتاج كبير لكنها تجارية تافهة و سطحية

ladyde
05-30-2007, 06:17 PM
malek el masry, ليه و أفلام نهلة سلامة و فيفي عبده و غادة الشمعة دي تبقى ايه

malek el masry
05-30-2007, 06:44 PM
malek el masry, ليه و أفلام نهلة سلامة و فيفي عبده و غادة الشمعة دي تبقى ايه

ايوه غادة الشمعة و نهلة سلامة مقاولات مع افلام يونس شلبي و سمير غانم و سعيد صالح

لكن افلام فيفي عبده مش مقاولات. هي افلام تجارية تافهة لكن مش مقاولات لانها انتاج كبير نسبيا و بتتعرض في دور السينما

افلام المقاولات مصطلح محدد و يقصد بيه الافلام اللي كانت بتنتج في اسبوعين و بتتصور في شقة مفروشة بارخص التكاليف و هدفها الاساسي ان توزع فيديو و لكن لا تعرض في دور السينما و الطلب الاساسي عليها كان من سوق الفيديو في دول الخليج في الثمانينات

Red Alert
05-30-2007, 06:45 PM
أعود لأسجل اختلافاً مع بعض وجهات النظر ، ولتكن روحكم رياضية كما تعودت منكم دائماً :lol:

1-أفلام المقاولات تعبير صحفي أطلق على أفلام لممثل بعينه في حملة شهيرة لتصفية الحسابات معه ، والواقع أنه لا معيار محدد لأفلام المقاولات من حيث التكلفة ولا الإخراج .. تلك الأفلام في نسبة كبيرة منها أفلام فيديو ويصعب عرضها - حسب معلوماتي وصححوني إن أخطأت - في دور عرض محترمة .. وارتبط اسمها بأسماء مخرجين من أمثال "ناصر حسين" و "صلاح سري" وممثلين من أمثال نهلة سلامة وعماد محرم وشخصيات أخرى..

وهناك أفلام كبرى تفوق أفلام المقاولات سوءاً ، ففيلم "أبناء الشيطان" شارك فيه أسماء كبيرة ومخضرمة مثل الفيشاوي وحسين فهمي وممدوح وافي ، لكنه بكل المقاييس جريمة سينمائية رغم كل ما أنفق عليه من ملايين ورغم أنه من إنتاج التليفزيون ، الذي روج الصحفيون أنه الفارس المنتظر الذي جاء ليخلص السينما من أفلام المقاولات..

2-مع تسليمي بأهمية الطيب إلا أن كل أفلامه لم تكن على نفس المستوى ، فكتيبة الإعدام رمزي مباشر فج ، وهو ما ينطبق جزئياً على دماء على الأسفلت ، وكلاهما تجربتيه مع أسامة أنور عكاشة الذي قدم للسينما أربع أفلام فقط (ودة كفاية أوي والحمد لله) فضلاً عن الهجامة وتحت الصفر (وكلاهما أسوأ)..

هذا لا يمنع أن الطيب أجاد عندما خرج لمناطق أخرى منها اللايت كوميدي في فيلم "الدنيا على جناح يمامة"..

قد يكون الطيب متفقاً أيديولوجيا مع أسامة أنور عكاشة لكنه أجاد وأبدع مع وحيد حامد وبشير الديك الذي قدم في أواخر أيام الطيب فيلمين هامين هما الهروب وضد الحكومة ..

malek el masry
05-30-2007, 06:53 PM
Red Alert,

اين الاختلاف؟
:)

انا لم اقل ان الطيب افلامه كلها عظيمة

انا كنت انوي الكلام عن البرئ و سواق الاتوبيس و الهروب و الحب فوق هضبة الهرم و التخشيبة و الزمار فقط

و باقي الافلام اقل كتير من وجهة نظري

اتفق معاك بالنسبة لكتيبة الاعدام و ان كنت اختلف بالنسبة لدماء علي الاسفلت و ايضا بالنسبة لاسامة انور عكاشة

و اعتقد تعريفاتنا لسينما المقاولات متطابقة

malek el masry
05-30-2007, 06:55 PM
Red Alert,

الهروب تاليف مصطفي محرم مش بشير الديك

malek el masry
05-30-2007, 06:55 PM
Red Alert,

الهروب تاليف مصطفي محرم مش بشير الديك

micheal44
05-30-2007, 07:04 PM
مع احترامي الشديد لوجهه نظر صاحب المقال و تحليلاته فأني اري احمد السقا هو أكثر ممثلي جيله موهبه و تنويعا في الاداء و الشخصيات..يعني مثلا شوف محمد سعد و هو بيقدم شخصيات واحده منذ ظهوره..كل اللي بيتغير هو الصوت من اللمبي للمنفلوطي لبوحه لعوكل لكتكوت و كركر أكيد كمان
هنيدي اتحرق بعد أول فيلمين
أحمد حلمي شخصياته كلها واحده ولا تجديد و لا مواضيع هادفه
كريم عبد العزيز موهوب و لكنه يحتاج للسيناريو الجيد
أما الدور النسائي فأتفق معك بأنه مهمش في 90% من أفلامنا علي الاقل و ذلك لاهداف تجاريه بحته
و تقبل تحياتي

malek el masry
05-30-2007, 07:14 PM
micheal44,
انا صاحب المقال
:)
و الكلام كلامي و هو في النهاية وجهة نظري و تحليلي الفني

و بالنسبة للسقا فهو غير موهوب علي الاطلاق
و قدراته علي التعبير بملامح الوجه محدودة للغاية

المشكلة انك بتقارنه باحمد حلمي و ماشابه لكن انا بقارنه بالممثلين الحقيقيين

و ادواره كلها زي بعض و افلامه شديدة التفاهة و السخافة باستثناء فيلم تيتو لكنها
بتنجح لجودتها التقنية

المرة الوحيدة اللي السقا غير فيها من طبيعة ادواره كانت في فيلم في العشق و الهوي و الفيلم فشل فشل ذريع

The lion king
05-30-2007, 07:37 PM
malek el masry,

اتفق..معاك بخصوص السقا..وكونه معدوم الموهبه الفنيه..زيه زى ابطال كتير

ظهروا على الشاشه كابطال ومفيش عندهم المقومات..زى ايهاب نافع

ده انا شايف ان محمد سعد عنده موهبه عنده..ودى بتبان فى لمحات فى الافلام

وانا شايف ان كريم عبد العزيز اكثر فنانى جيله موهبه..واداءه متنوع وممتاز

لكن مختلف معاك بخصوص سينما الشباب والمضحكون الجدد

وانا شايف انها مش بتعبر عن الطبقه الوسطى الجديده.

لكن هى بتمثل مجال لتفريغ الهموم والضغوط عن طريق حاجه خفيفه وتيك اواى

تضحكهم وتبسطهم وتنعشهم..عشان يتخلصوا من اهموم اللى بتثقل الكاهل

بدليل ان الافلام الجاده اللى بتبعد عن الخط الاراجوزى ده

بيكتب لها النجاح وبتحقق نسب مرتفعه فى المشاهده

زى اوقات فراغ..عماره يعقوبيان وغيره

malek el masry
05-30-2007, 07:53 PM
[لكن مختلف معاك بخصوص سينما الشباب والمضحكون الجدد

وانا شايف انها مش بتعبر عن الطبقه الوسطى الجديده.

لكن هى بتمثل مجال لتفريغ الهموم والضغوط عن طريق حاجه خفيفه وتيك اواى

تضحكهم وتبسطهم وتنعشهم..عشان يتخلصوا من اهموم اللى بتثقل الكاهل


ماهو ده بالظبط ذوق الطبقة الوسطي الجديدة و ماتريده و ماتحتاجه من السينما

koky_22
05-30-2007, 07:57 PM
3la fekra el sig bta3tak ya malek matenfa3sh kida

3shan enta bt2ol en kazim al7ano mosh ad kida w howa mosekar faze3

kefaya ana w laila bas,,,,,, :o

malek el masry
05-30-2007, 08:04 PM
koky_22,


خلينا في السينما بليز يا كوكي
:)
و كفاية علينا البوستات الكثير السابقة اللي خرجت عن موضوع التوبيك

koky_22
05-30-2007, 08:06 PM
tayb ashofak b2a 3la topic kazim 3shan 3ayza at7'ane2 ana,,,,, :o

Melody33
05-30-2007, 08:39 PM
malek el masry,

فين ماجد ميلودي؟

أنا جيت :roll:

توبيك جميل يا دكتور مالك :?:


بالنسبة لشخصية محمود عبد العزيز فالفيلم قدمه بشكل يغلب عليه الميلودرامية

و الطرح ايضا غير سليم لانه بيختزل الاستبداد السياسي في سادية اشخاص اصحاب السلطة و هو طرح يعجز عن فهم الاليات المعقدة للاستبداد


خلى بالك أن محمود عبد العزيز كان له شخصيتين مختلفتين ... مع أسرته كان مثال للأب الحنون اللى بيهتم بهدية أبنته فى عيد ميلادها و الأكثر من هذا أنه بيشارك فى عيد ميلادها بفقرة ساحر بخلاف شخصيته السادية فى المعتقل و اللى بيفرضها عليه وضعه كممثل للسلطة و تطلعاته الشخصية لأنجاز نجاح مهنى يفيده للترقى.

البرىء فيلم أكثر من جميل و تأريخ جميل مع قصره لمخرج عبقرى مع سواق الأتوبيس و الهروب و ليلة ساخنة و (فيديو كليب شنطة سفر)!!

TamerSherif
05-30-2007, 08:42 PM
Melody33,

حمدلله عالسلامه

:roll: :roll:

malek el masry
05-30-2007, 08:49 PM
Melody33,

حمد الله ع السلامة هلا هلا
اشتقنا ليكم ياما هلا هلا

دي الضحكة دي واحشانا
والفرحة مش سايعانا

يا هنانا يا هنانا
:roll: :roll: :roll:

Melody33
05-30-2007, 09:01 PM
TamerSherif,
الله يسلمك يا غالى :roll:


malek el masry,
ما أقدرش على كده ... ومقام السيدة :D

shaimaa
05-30-2007, 09:26 PM
malek el masry,

توبيك جميل يا دكتور

واختيار متميز البداية بأفلام عاطف الطيب

في انتظار المزيد

Lord Of The Clips
05-30-2007, 09:27 PM
Melody33,

واحشني ل3 سنين قدام

ياهلا ياهلا يااستاذ ماجد منور منور

كل يوم على دماغي اقول مختفي فين

lolo2003..
05-30-2007, 09:35 PM
malek el masry,

توبيك أكثر من رائع يا دكتور

:?: :?:

micheal44
05-30-2007, 09:55 PM
micheal44,
انا صاحب المقال
:)
و الكلام كلامي و هو في النهاية وجهة نظري و تحليلي الفني

و بالنسبة للسقا فهو غير موهوب علي الاطلاق
و قدراته علي التعبير بملامح الوجه محدودة للغاية

المشكلة انك بتقارنه باحمد حلمي و ماشابه لكن انا بقارنه بالممثلين الحقيقيين

و ادواره كلها زي بعض و افلامه شديدة التفاهة و السخافة باستثناء فيلم تيتو لكنها
بتنجح لجودتها التقنية

المرة الوحيدة اللي السقا غير فيها من طبيعة ادواره كانت في فيلم في العشق و الهوي و الفيلم فشل فشل ذريع
بص هو السقاا فعلا لو حيتم مقارنته بناس زي أحمد زكي و محمود عبد العزيز أو حتي الجيل اللي بعدهم زي شريف منير..أكيد هو أقل منهم من حيث الموهبه و لكن بالنسبه لهذا الجيل فهو جيد جدا أما بالنسبه للعشق و الهوي فالفيلم لم يفشل فشلا ذريعا و لكنه لم ينجح بنفس درجه تيتو و مافيا
علي العموم الاختلاف في الرأي لا يفسد للود قضيه
هو السقا زملكاوي..مش كده :lol: :lol:

Melody33
05-30-2007, 10:01 PM
Lord Of The Clips,
مساء الفل يا (شادى البستان) ... واحشنى كتيييييير :???:


اقول مختفي فين

كالمعتاد ... كنت مدور مكتب :mad:

Us Palermo Lover
05-30-2007, 10:09 PM
micheal44,


المرة الوحيدة اللي السقا غير فيها من طبيعة ادواره كانت في فيلم في العشق و الهوي و الفيلم فشل فشل ذريع


انت شايف انه فشل فشل دريع !؟؟

الفيلم عجب ناس كتير جدا لانه مختلف جدا عن افلام السينما الرتيبه في الفترة الأخيرة .. ومن الناس اللي عجبهم الفيلم جدا نور الشريف اللي قال ان هدا الفيلم ومن قبله سهر الليالي انطلاقة جديدة للسينما الحقيقيه

د. ياسر نجم
05-30-2007, 11:15 PM
micheal44,


المرة الوحيدة اللي السقا غير فيها من طبيعة ادواره كانت في فيلم في العشق و الهوي و الفيلم فشل فشل ذريع


انت شايف انه فشل فشل دريع !؟؟

الفيلم عجب ناس كتير جدا لانه مختلف جدا عن افلام السينما الرتيبه في الفترة الأخيرة .. ومن الناس اللي عجبهم الفيلم جدا نور الشريف اللي قال ان هدا الفيلم ومن قبله سهر الليالي انطلاقة جديدة للسينما الحقيقيه

أنا شايف ان الاداء التمثيلى فى الفيلم ده كان ممتاز..خصوصا من أحمد السقا ومنة شلبى..واللى كان أكتر من رائع طارق لطفى..

لكن الفيلم على بعضه مش أد كده...
واكتر حاجه ضايقتنى فيه هو البعد الأخلاقى اللى آلت له نهاية الفيلم..واللى بقت مقبولة فى مجتمعنا..
فرغم ان موقف فاتن حمامة فى نهر الحب كان يستحق انتقاد واجب لانها فى النهاية خرجت عن اطار (الزوجة المخلصة)حتى ولو كان هذا الخروج لخ ما يبرره....وانتهى الفيلم الى نهاية غير سعيدة بالنسبة لها..
نجد فى العشق والهوى ان الخائن والخائنة اللى تعدت خيانتهم بمراحل ما فعلته فاتن حمامة فى نهر الحب..ناهيك عن ان خيانتهم كانت غير مبررة كانت نهاية الفيلم بالنسبة لهم سعيدة جدا...
أما الأزواج المخلصون المحبون فقد انتهى الفيلم بشكل مأساوى بالنسبة لهم..

د. ياسر نجم
05-30-2007, 11:27 PM
Melody33,

منور يا باشا
واحشنى جداااااااااا

malek el masry
05-30-2007, 11:30 PM
micheal44, Hesen Cassano, د. ياسر نجم,

الفيلم فشل علي المستوي الجماهيري في شباك التذاكر و علي المستوي النقدي ايضا

اما بالنسبة للتمثيل فيجوز منة شلبي كانت كويسة لكن احمد السقا مابيعرفش يعبر لا بنبرات صوته ولا ملامح وجهه. و هو ده اللي اقصده بضعف الموهبة
مجدي كامل زعق كتير في الفيلم لكن الزعيق حاجة و التمثيل حاجة تانية خالص

Red Alert
05-31-2007, 06:53 PM
أرى أنه من القسوة الحكم بهذا العنف على سينما المضحكين الجدد طالما أنهم لا يدعون أنهم يقدمون واقعية صلاح أبو سيف أو مغامرات داوود عبد السيد ..

هناك آخرون يدعون أنهم يقدمون فناً حقيقياً وتصنع منهم الصحافة أصناماً ، ثم يزول أثر الزبدة التي دهن بها كلام الصحفيين عقب مشاهدة الجماهير للفيلم بعد عرضه تجارياً بفترة .."مافيا" ، "العشق والهوى" و حتى "سهر الليالي" .. مجرد أمثلة..

ولنكن أكثر واقعية..

أن ننتظر ان تقدم السينما المصرية عشرين فيلماً كلها على مستوى "الفتوة" - أروع أفلام أبو سيف في رأيي- أو المومياء أو الأرض فهذا كلام فارغ ..

أن تقدم فيلماً مهماً واحداً أو اثنين فهذا يكفي ، ولا مانع من أن يصل العدد إلى خمسة أو ستة .. أقله تصبح لدينا أفلام في مهرجانات محترمة..

قد يقول الكثيرون في إسماعيلية رايح جاي ما لم يقله الإمام مالك في الخمر ، لكن إيراداته شجعت منتجين آخرين على دخول اللعبة ، ومن بين عشرات الأفلام التجارية ظهرت أفلام جيدة مثل "أحلى الأوقات" لهالة خليل على سبيل المثال ، و"أوقات فراغ" مع رأيي أنه فيلم بورجوازي مثله مثل "سهر الليالي" ، يكفي أن "حسين القلا" وهو منتج قديم ابتعد بعض الشيء عن إنتاج الأفلام للسينما التجارية غامر بإعطاء الفرصة لمجموعة من الهواة للقيام ببطولة فيلم حقق إيرادات جيدة وكسب شريحة جديدة من المتفرجين جنباً إلى جنب مع الطبقة الوسطى والفقراء الجدد (الذين رأوا أنفسهم في السبكيات بجميع أنواعها)..

malek el masry
05-31-2007, 11:19 PM
هناك آخرون يدعون أنهم يقدمون فناً حقيقياً وتصنع منهم الصحافة أصناماً ، ثم يزول أثر الزبدة التي دهن بها كلام الصحفيين عقب مشاهدة الجماهير للفيلم بعد عرضه تجارياً بفترة .."مافيا" ، "العشق والهوى" و حتى "سهر الليالي" .. مجرد أمثلة..

)..

ما انا بهاجم الافلام دي برضه
:)

The lion king
06-01-2007, 02:22 AM
أرى أنه من القسوة الحكم بهذا العنف على سينما المضحكين الجدد طالما أنهم لا يدعون أنهم يقدمون واقعية صلاح أبو سيف أو مغامرات داوود عبد السيد ..

هو فيه حد يكره الكوميدى

بس لازم احترام لعقليه المشاهد

يعنى لو فيلم كوميدى وضحك لمجرد الضحك يبقى مفيش مشكله..يبقى لازم المقاييس الفنيه تبقى موجوده..اللى هى قوام اى فيلم.. قصه وسيناريو وحوار واخراج واداء

ويا سلام لو فيه فكر فى الفيلم ده

لكن اللى حاصل ان الافلام دى اى كلام فى اى كلام

استخفاف واستهبال وتكريس للقيم المتخلفه والغباء

ونقطه مهمه اخيره..كوميديا الموقف

الكوميديا تكون نابعه من احداث الفيلم

مش اسكتشات ونكت وقفشات وافيهات...لو شلناها من اى فيلم

ولزقناها فى فيلم تانى خالص مش هتاثر على سير الاحداث فى الفيلمين

لكن طبعا فيه افلام جيده ..بس قليله اوى

Melody33
06-02-2007, 06:41 PM
Melody33,

منور يا باشا
واحشنى جداااااااااا

مساء النور و السرور يادكتور ياسر ... وحضرتك واحشنى أكثر :???:

barby
12-27-2007, 11:19 PM
malek el masry,

ياريت تكمل التوبيك ده يا مالك

OmDa 87
12-28-2007, 03:25 PM
أيوة أحمد السقا مش ممثل بس ستار و للأمانة بيتعب و بيحاول

malek el masry
01-06-2008, 06:17 PM
صوفية "ألوان السما السبعة": جفاف في النص وافتعال في الإخراج



دبي – حكم البابا

ألوان السما السبعة: ليس بالضرورة أن تكون مملاً لكي تبدو جدياً!!

اجتهاد المخرج المصري الجدّي سعد هنداوي في تقديم سينما مختلفة عن السائد في السينما المصرية حالياً من أعمال رديئة إلى حد الابتذال في لايفترض بالضرورة التغاضي عن مشكلات فيلمه الروائي الثاني "ألوان السما السبعة"، ورغبة هنداوي في إعادة الاعتبار لصورة المخرج صاحب العمل الذي ينسب إليه الفيلم، بعد أن حوّل نجوم الكوميديا الشابة والهابطة الذين يسيطرون على السينما المصرية المخرج إلى مجرد تقني ملحق بهم ومنفذ لرغباتهم، لايعني أنه خارج النقد، وإن كان النقد الذي يمكن أن يوجه إلى شغله مختلف من حيث المستوى، عما يمكن أن يعامل به منفذو أعمال نجوم سينما الكوميديا الشبابية المصرية.

في "ألوان السما السبعة" يقدم سعد هنداوي نفسه مخرجاً صاحب هم ثقافي وفكري ووجودي وسينمائي، ويرتبك وهو يحاول أن يزاوج بين عناصر هذه الخلطة من خلال قصة مركبة لتعلق فتاة ليل (تؤدي الدور ليلى علوي) سئمت رخص الحياة التي تعيش فيها (باعتبارها مجرد جسد يتم التعامل معه كسلعة قابلة للبيع والشراء) بعروض راقص تنورة (يجسده فاروق الفيشاوي) ينتمي إلى الطريقة الصوفية المولوية التي أسسها مولانا جلال الدين الرومي، كجزء من توقها للتحليق في عوالم الروح والطيران خارج الجسد الذي يذلها، لتتطور حالتها من عشق لعروض رقص التنورة والتردد لحضورها يومياً، إلى عشق للراقص نفسه، الذي يرى في وله الفتاة الغريبة به علاقة تخرجه من أسر تجربة زواجه التي انتهت بالطلاق لشكه في زوجته من دون أن يملك أي دليل على ذلك، وخالطاً مابين الواقعي والرمزي يدخل الفيلم في تفاصيل العلاقات الجانبية والحياة الخاصة لشخصيتيه الرئيسيتين، في محاولة لبناء عالمهما الكامل، وتأثير علاقتهما ببعضهما البعض على محيطيهما، وأيضاً تأثر علاقتهما بذلك المحيط.

عبر تلك القصة المركبة بشكل ذهني أكثر مما هو حياتي، وأقرب إلى الرمزية المدرسية منه إلى الواقعية المليئة بصوت الحياة ينظّر سعد هنداوي أكثر مما يروي، ويناقش أكثر مما يصور مشهدياً، ويعتمد على مفردات قديمة ومألوفة تخلو من الابتكار في تصويره للتناقض بين عالمي الجسد الذي تمثله مهنة فتاة الليل، والروح الذي يمثله شغل راقص التنورة، ليبدو السيناريو الذي كتبته زينب عزيز عملا مدرسيا جافا يلبس الأفكار رداء حكاية، بدلاً من أن يترك الفكرة تخرج بتلقائية من معنى الحكاية.

على صعيد التمثيل يستحق أداء ليلى علوي في دور فتاة الليل "حنان" تحية على الجهد الذي بذلته لتقديم روح الشخصية وابراز الانفعالات الداخلية من خلال نظرات العيون القلقة وردود الفعل الهادئة والمحسوبة بدقة والخالية من الثرثرة الحركية، على الرغم من عدم وجود مايمكن الاتكاء عليه درامياً لتصوير قلق الشخصية الوجودي في نص السيناريو الفقير، وعلى عكسها أتى أداء فاروق الفيشاوي مفتعلاً وخالياً من الاقناع في دور راقص التنورة بكر الذي يفترض جسداً رشيقاً لايملكه الفيشاوي وتقاطيع أرق من تلك التي ظهرت على محياه، ونظرات أكثر انسجاماً مع طبيعة الشخصية من عيونه التي بدت خارج صوفية الحالة، ولم تنفع كل محاولات تصنيع مشاهد فاروق الفيشاوي وهو يقوم برقصاته التي اعتمد عليها سعد هنداوي في إقناع المشاهد بأجواء السمو الروحي والتحليق خارج الجسد الذي يفترض بأنه بهر فتاة الليل وأسرها وجذبها إلى راقص التنورة.

أخيراً مشكلة سعد هنداوي الأساسية كمخرج في "ألوان السما السبعة" تكمن أولاً في النص الفقير درامياً والمركب من تلاقح أفكار ميتافيزيقية لا من تشابك علاقات بشرية، وثانياً من عدم قدرته على تقديم مشهدية سينمائية غنية على الرغم من حالة الغنى البصري التي تولدها أجواء الصوفية وطقوسها الحركية، وثالثاً من من عدم إدراكه بأنه ليس بالضرورة أن تكون مملاً لتظهر جدياً.

malek el masry
01-12-2008, 11:13 PM
حاليا
يبدو مستقبل السينما المصرية مظلما بين ثلاثية الفنان و المتثاقف و الاستهلاكي

فهناك
1)
اجيال جديدة من السينمائيين الشبان اللي واقعين في اسر مفاهيم الفن للفن و ياريتهم حتي بيقدموا فن حلو و اعني شريط سينمائي حلو من تصوير و كادرات و مونتاج و اهتمام بالتفاصيل البصرية و عناصر تشكيل الصورة(ففي النهاية لم يصل احدهم و لو لعشر جماليات سعيد مرزوق او شادي عبد السلام و لن اقول جماليات انجمار برجمان او برتولوتشي او انطونيوني حتي لا تكون المقارنة متجنية)

2)
و اجيال اخري من السينمائيين المتثاقفين المؤدلجين و هم امتداد لتيار الثقافة الناصرية و اللي نجحت بامتياز في افساد و اخصاء الثقافة المصرية

و ابرز نجومها حاليا هو خالد يوسف

3)
و اجيال ثالثة من افلام الاستهلاك افلام الطبقة الوسطي الجديدة التي تتجلي بامتياز في افلام زي سهر الليالي و ملاكي اسكندرية و ماشابه
و افلام احمد السقا و كريم عبد العزيز و مني زكي الي اخره: افلام تتنوع مواضيعها بين الاكشن و المغامرات و الرومانسي و اللايت كوميدي لكنها كلها تشترك في شئ واحد هو تمثيلها لذوق و قيم و اخلاقيات الطبقة الوسطي الحديثة في المدن من رؤية اخلاقية تبسيطية و اختزالية جدا و عدم الرغبة في طرح اي هموم اجتماعية او انسانية علي الشاشة مع تهميش كامل لذوق و حياة الطبقات الاخري
و كراهية و عداء متاصل لهذه الطبقات

malek el masry
01-12-2008, 11:14 PM
جلست لساعات طويلة أمام شاشة الكمبيوتر أحاول أن أعبر عن المشاعر المتداخلة التى أصابنى بها فيلم خالد يوسف الكارثي الخطير (حين ميسرة)، دون اى جدوى. وبعد أن أعيتنى الحيل قررت إنى أشوف التليفزيون إذ ربما أجد مفتاحاً لمقال أو ماشابه. وبالفعل جاء المدد من شعبان عبد الرحيم الذى كان يشدو فى فيلم (مواطن ومخبر وحرامى) على قناة روتانا بتنويعة على إيقاعه المحبب. ماقاله شعبان يعبر من وجهة نظرى بشكل كامل عن جوهر فيلم خالد يوسف ولايستدعى الأمر أى تدخل أو تعليق من جانبنا:

الفن يا ناس رسالة....ضرورى يكون مفيد

بيوضح المشاكل...ميخليهاش تزيد

إيييييييييييه

بس خلاص

الطبقة الوسطى المصرية بتطور نزوع شبه فاشى بس لسة أهيف من إنه يجد منظرين أو مبدعين يعبروا عنه

بس أنا فى رأيى إنها مسألة وقت لغاية مانلاقى المظاهرات فى الشوارع بتطالب بإزالة أحزمة البؤس وحرق أهليها لأنهم عندهم الإيدز


فاكرين فيلم كتيبة الاعدام .. اللى كان صرخة فى وش اللى خان واللى باع .. لو الواحد كان شجاع بما فيه الكفاية كان قال الحقيقة انه فيلم وحش و فج .

.نفس الحالة بتتكرر دلوقتى والقطاع الاكبر من اللى بيتابعوا سينما جالهم احساس بالقئ و القرف و الملل من يوسف شاهين بداءا من المهاجر والمصير والاخر و" سكوت حنصور" ومع ذلك واصلوا وشافوا اسكندرية نيو يورك

وهاهم يتامرون بالصمت على هى فوضى وحنفضل كده لحد عشر سنين قدام لحد ما يجى شاب صغير فى ثانوى يقول انه بيحب فيلم العاصفة وفيلم ملف سامية شعراوى لنادية الجندى لانهم كانوا بيناقشوا مشكلات المجتمع فى التسعينات

ladyde
01-13-2008, 03:34 PM
دخلت فيلم الجزيرة مؤخرا و بجد لأول مرة من مدة طويلة أخرج لاهثة من إيقاع فيلم مصري

TamerSherif
01-13-2008, 03:36 PM
ladyde,

ده فيلم تحفه بجد...مع أنى كنت مليت من أحمد السقا...بس الفيلم ده فعلا روعه

OmDa 87
01-13-2008, 03:42 PM
مين أكتر ممثل طيب يا جماعة عجبكم أدائه ف الفليم .،؟
أنا عن نفسى عجبنى باسم السمرة جدا جدا جدا
مقنع أوى ف أدائه و بيمثل بعنيه حلو موهوب يعنى مش مجتهد زى بطل الفيلم
:?:

malek el masry
01-13-2008, 03:46 PM
ladyde, TamerSherif,


الجزيرة كويس فعلا بس حين ميسرة فكرني بمذبحة اللاجئين السودانيين و التغطية الاعلامية لحوادث التحرش الجنسي في وسط البلد
و نزوع الطبقة الوسطي الجديدة في مصر لتطوير خطاب فاشي ضد احزمة الفقر العشوائية

و كما قلت هي مسالة وقت قبل اندلاع مظاهرات الطبقة الوسطي الجديدة للمناداة بابادة احزمة الفقر العشوائية بالنابالم عشان عندهم الايدز

وكما قال شعبولا في مواطن و مخبر و حرامي
الفن يا ناس رسالة....ضرورى يكون مفيد

بيوضح المشاكل...ميخليهاش تزيد

إيييييييييييه

بس خلاص

ليذهب خالد يوسف و الناصريين المتثاقفين الي الجحيم ماعدا رائد رافع
عشان ده حبيبي
:-P :-P

TamerSherif
01-13-2008, 03:52 PM
malek el masry,

ماشفتش حين ميسره لسه...شفت الجزيره و هى فوضى

خالد صالح و منى شلبى و هاله صدقى و اللى كان قايم بدور و كيل النيابه (مش عارف أسمه) مالهومش حل فى هى فوضى ...فيلم تحفه

الجزيره برضه فيلم جميل جدا...أحداثه سريعه و تصويره حلو

محمود ياسين كمان عامل دوره قمه فى الأداء

ladyde
01-13-2008, 03:55 PM
ليذهب خالد يوسف و الناصريين المتثاقفين الي الجحيم ماعدا رائد رافع
عشان ده حبيبي


يا إبني مالهم المثقفين بس

خلينا نبقى حقانيين

الفيلم كان قادر على إيصال الرسالة بكمية أقل كثيرا من قلة الأدب

لكن رسالة الفيلم و الفيلم كمجمل طبعا رائع

بس خالد يوسف يهوى إيضاح الجنس إيضاحا تفصيليا :twisted:

malek el masry
01-13-2008, 04:08 PM
ليذهب خالد يوسف و الناصريين المتثاقفين الي الجحيم ماعدا رائد رافع
عشان ده حبيبي


يا إبني مالهم المثقفين بس

خلينا نبقى حقانيين

الفيلم كان قادر على إيصال الرسالة بكمية أقل كثيرا من قلة الأدب

لكن رسالة الفيلم و الفيلم كمجمل طبعا رائع

بس خالد يوسف يهوى إيضاح الجنس إيضاحا تفصيليا :twisted:

المتثاقفين و ليس المثقفين

انسي الجنس مش هو ده الموضوع

اللي مضايقني هو نزوع الطبقة الوسطي الجديدة لتقديم المهمشين كما تراهم هذه الطبقة بشكل يحمل ادانة اخلاقية و تهميش و احتقار و ازدراء لقيم و عالم و جماليات و انماط حياة العشوائيين و اللي بيحرك ده هو شعور هذه الطبقة بالخوف و عدم الامان ازاء خطر العشوائيين

لذا تبدو الخطوة القادمة هي الضرب في السويداء و التخلص منهم و ابادتهم

مايحدث الان هو الفرز و التعريف و التصنيف و القولبة و الادانة
للمهمشين و الخطوة القادمة حتكون ضربهم

خطاب فاشي بامتياز

انا لن انسي اثناء التغطية الاعلامية لحوادث التحرش الجنسي في وسط البلد لما كانت الطبقة الوسطي الجديدة من خلال الفضائيات بتحرض اجهزةالامن و تستعديهم علي المهمشين الغلابة بتوع العشوائيات لانهم مصدر الخطر

ده موضوع كبير يا حاجة داليا

الفاشية تدق الباب في مصر

malek el masry
01-13-2008, 04:14 PM
malek el masry,

ماشفتش حين ميسره لسه...شفت الجزيره و هى فوضى

خالد صالح و منى شلبى و هاله صدقى و اللى كان قايم بدور و كيل النيابه (مش عارف أسمه) مالهومش حل فى هى فوضى ...فيلم تحفه

الجزيره برضه فيلم جميل جدا...أحداثه سريعه و تصويره حلو

محمود ياسين كمان عامل دوره قمه فى الأداء

الجزيرة حلو لكن هي فوضي فيلم تافه في رايي

حين ميسرة برغم خطورته و فاشيته لكن علي الاقل مانتهاش بمظاهرة عشوائية قوامها 100 الف تشيل النظام وتأمم السد.
و تحرر سيناء

هي فوضي
فيلم فج و اختزالي و بتاع شعارات وقرفني بحمدين صباحي

elvis
01-13-2008, 04:16 PM
اوك يادكتور انا قريت الصفحة الأولي بس وهاكمل الموضوع للنهاية واي سؤال او تعليق يستوقفني هكتبة ف نوتباد وبعدين اكتب كل التعليقات في رد واحد ومنتظر الرد انشاء الله ( استغلال بقي )

malek el masry
01-13-2008, 04:29 PM
ladyde,

بصي هو حين ميسرة اكيد احسن من افلام شرم الشيخ

الفيلم جريء وصادم وجايب سيرة ناس حياتها تخوف بجد بدون احكام اخلاقية او تعال. دي حاجة لازم تتحسب للفيلم على ما اعتقد ومنطقي اننا نحتار في الحكم عليه لإنه اكيد افضل, على كل علاته, من افلام شرم الشيخ

في مجهود حقيقي اتبذل في الفيلم ده, ولو ماكانش دخل في المليون حارة اللي دحش نفسه فيها بنصاحة الناصريين المعتادة كان وارد نبقى كلنا بنحتفل بيه دلوقت. خالد يوسف كمان شغل ناس كانت قاعدة في بيوتها واعاد اكتشافهم بشكل جميل:
اكيد سمية الخشاب اقوى واجرأ وتجربتها اتقل من نجمة النجوم منى زكي ولا الست نور
واكيد عمرو سعد ارحم من اسمه ايه هجرس بتاع ماتيجي نرقص

واكيد اكيد اكيد, الممثل على حق ربنا, عمرو عبد الجليل, اروع واتقل بما لا يقاس من نجم المرحلة –الناصري برضه!!- خالد صالح

مبسوط بإكتشافي ان هالة فاخر بتعرف تمثل, واني شفت سامح السريطي مرة اخيرة قبل مايضمحل, وان وفاء عامر دخلت في الجو وعملت دور اكدت بيه انها ممثلة بجد. حتى غادة كانت كويسة. وعلى الأقل, على الأقل خالص, الفيلم مانتهاش بمظاهرة عشوائية قوامها 100 الف تشيل النظام وتأمم السد.
و تحرر سيناء

لكن الجوهر الفاشي لخطاب الفيلم و تعامله مع موضوعه خطير جدا

و مايزال التيار الناصري و القومي العربي عامة يثبت انه احقر و اسوا تيار سياسي عرفه تاريخ البشرية جمعاء ماعدا رائد رافع طبعا عشان ده حبيبي
:-P :roll:

houdasite
01-13-2008, 04:33 PM
malek el masry,

ماشفتش حين ميسره لسه...شفت الجزيره و هى فوضى

خالد صالح و منى شلبى و هاله صدقى و اللى كان قايم بدور و كيل النيابه (مش عارف أسمه) مالهومش حل فى هى فوضى ...فيلم تحفه

الجزيره برضه فيلم جميل جدا...أحداثه سريعه و تصويره حلو

محمود ياسين كمان عامل دوره قمه فى الأداء

الجزيرة حلو لكن هي فوضي فيلم تافه في رايي

حين ميسرة برغم خطورته و فاشيته لكن علي الاقل مانتهاش بمظاهرة عشوائية قوامها 100 الف تشيل النظام وتأمم السد.
و تحرر سيناء

هي فوضي
فيلم فج و اختزالي و بتاع شعارات وقرفني بحمدين صباحي

علىفكره انا مشفتش الجزيره ولا حين ميسره بس هيه فوضى انا بختلف معاك فى الراى لانه عمل بيجسد فعلا حال البلد تجسيد رهيب و الاجمل انه واقعى جدا و انا دايما بحب الافلام الواقعيه الى بتناقش مشاكلنا بمنتهى الواقعيه

hannona
01-13-2008, 04:38 PM
houdasite,


علىفكره انا مشفتش الجزيره ولا حين ميسره بس هيه فوضى انا بختلف معاك فى الراى لانه عمل بيجسد فعلا حال البلد تجسيد رهيب و الاجمل انه واقعى جدا و انا دايما بحب الافلام الواقعيه الى بتناقش مشاكلنا بمنتهى الواقعيه


انا اختلف معاك فى الرأى لان فيلم هى فوضى كان عايز يقول حاجه
بس مقلهاش او خافوا يعبروا عنها واتقلب سيناريو الفيلم الى حاجات تانيه ملهاش اى لازمه فى الحياه
كنت معتقده انهم هيتكلموا عن الفساد فى الاقسام وايه اللى بيحصل بس اعتقد انهم خافوا بس اوهموا الناس بموضوع وقلبوا على مواضيع تانيه

malek el masry
01-13-2008, 04:39 PM
اوك يادكتور انا قريت الصفحة الأولي بس وهاكمل الموضوع للنهاية واي سؤال او تعليق يستوقفني هكتبة ف نوتباد وبعدين اكتب كل التعليقات في رد واحد ومنتظر الرد انشاء الله ( استغلال بقي )

دوس يا معلم
:)

ladyde
01-13-2008, 04:41 PM
انا لن انسي اثناء التغطية الاعلامية لحوادث التحرش الجنسي في وسط البلد لما كانت الطبقة الوسطي الجديدة من خلال الفضائيات بتحرض اجهزةالامن و تستعديهم علي المهمشين الغلابة بتوع العشوائيات لانهم مصدر الخطر

هم مصدر خطر يا مالك و اللي بيقول غير كده يا مغيب يا مغيب

لكنهم ليسوا السبب في خطورتهم

الحل ليس في نسفهم و لا إبادتهم لكن في توفير وسائل أدمية للحياة لهم من مأكل و مشرب و مسكن و عمل

malek el masry
01-13-2008, 04:49 PM
ladyde,

يعني ايه مصدر خطر؟ خطرعلي مين؟

و كانما فيه مواطنين درجة اولي في هذا البلد و اي ناس تانية مجرد زوائد يتحدد وضعها بمقدار افادتها او ضررها للمواطنين الاصليين او خطرها علي المواطنين الاصليين

دول مواطنين زيهم زي اي حد

hannona
01-13-2008, 04:57 PM
ladyde,


هم مصدر خطر


مصدر الخطر ممكن ان ياتى من اى مجتمع سواء كان العشوائيات او الطبقه العليا
الغلب ممكن يجيب خطر كما ان الغنا الفاحش يجيب خطر اكبر
كمان فيلم حين ميسره ليس معبرا عن الواقع المصري في العشوائيات. فهم كيان اكثر احتراما وله تنظيم لا يمت للسذاجة بصلة
كما لا ارى اي سبب للضجة الاعلامية المثارة حول فيلم حين ميسرة نظرا لآنه مجموعة من الصور المتتابعة السيئة التي قد لا تعبر بالشكل الصحيح عن الطبقة المعنية التي اراد المخرج الاعتذار لهم في نهاية االفيلم (دعاية :o

houdasite
01-13-2008, 04:59 PM
houdasite,


علىفكره انا مشفتش الجزيره ولا حين ميسره بس هيه فوضى انا بختلف معاك فى الراى لانه عمل بيجسد فعلا حال البلد تجسيد رهيب و الاجمل انه واقعى جدا و انا دايما بحب الافلام الواقعيه الى بتناقش مشاكلنا بمنتهى الواقعيه


انا اختلف معاك فى الرأى لان فيلم هى فوضى كان عايز يقول حاجه
بس مقلهاش او خافوا يعبروا عنها واتقلب سيناريو الفيلم الى حاجات تانيه ملهاش اى لازمه فى الحياه
كنت معتقده انهم هيتكلموا عن الفساد فى الاقسام وايه اللى بيحصل بس اعتقد انهم خافوا بس اوهموا الناس بموضوع وقلبوا على مواضيع تانيه

ممكن بس برضه لازم نتفق ان الفيلم جاب حاجات خطيره زى فساد امناء الشرطه و السجون السريه و الوساطه و المحسوبيه و الرشوه و ناقشها بجرأه و ديه حاجات تحسبله هوه اكيد فيهحاجات كتير اغفلها بس برضه فيه قضايا كتير ناقشها بمنتهى القوه

hannona
01-13-2008, 05:04 PM
houdasite,


ممكن بس برضه لازم نتفق ان الفيلم جاب حاجات خطيره زى فساد امناء الشرطه و السجزن السريه و الوساطه و المحسوبيه و الرشوه و ناقشها بجرأه و ديه حاجات تحسبله هوه اكيد فيهحاجات كتير اغفلها بس برضه فيه قضايا كتير ناقشها بمنتهى القوه


لا كان فى عناوين لقضايا مهمه ممكن تتناقش
ولكن لم تناقش فى الفيلم واتخذ الفيلم اتجاهات تانيه خالص

malek el masry
01-13-2008, 05:13 PM
ladyde,


هم مصدر خطر


مصدر الخطر ممكن ان ياتى من اى مجتمع سواء كان العشوائيات او الطبقه العليا
الغلب ممكن يجيب خطر كما ان الغنا الفاحش يجيب خطر اكبر
كمان فيلم حين ميسره ليس معبرا عن الواقع المصري في العشوائيات. فهم كيان اكثر احتراما وله تنظيم لا يمت للسذاجة بصلة
كما لا ارى اي سبب للضجة الاعلامية المثارة حول فيلم حين ميسرة نظرا لآنه مجموعة من الصور المتتابعة السيئة التي قد لا تعبر بالشكل الصحيح عن الطبقة المعنية التي اراد المخرج الاعتذار لهم في نهاية االفيلم (دعاية :o

:-x :-x :-x :-x

بوست ممتاز

ميه ميه
هو ده الكلام

انتي من الاحرار يا استاذة
:???: :)

hannona
01-13-2008, 05:20 PM
malek el masry,


بوست ممتاز

ميه ميه
هو ده الكلام

انتي من الاحرار يا استاذة


نعم من الاحرار تنضم معانا :mad:

والله يا مالك لو تلاحظ كل حاجه تحصل او اى حاجه عايزين يتريقوا عليها او يظهروا باى فساد او يعبروا عن اى فساد وانحطاط فى البلد يروحوا للطبقه العشوائيه اللى هما اغلب من الغلب

malek el masry
01-13-2008, 05:29 PM
مين أكتر ممثل طيب يا جماعة عجبكم أدائه ف الفليم .،؟
أنا عن نفسى عجبنى باسم السمرة جدا جدا جدا
مقنع أوى ف أدائه و بيمثل بعنيه حلو موهوب يعنى مش مجتهد زى بطل الفيلم
:?:

:-x

اتفق معاك

ليس فقط تعبيره بعينه بل تعبيره بعضلات وجهه و خلجات وجهه

صعيدي بجد و بحق و حقيق

باسم سمره ممثل موهوب

elvis
01-13-2008, 05:32 PM
والله كنت لسه هاتكلم عن عمرو عبد الجليل دا مش معقول بجد كنت بستني ظهورة في كل مشهد بجد اللي يشوفه فعلا يقول انة فعلا ابن العشوائيات رغم انة مثقف و اصلا متعلم الرقص ومن ابناء يوسف شاهين اللي احتواهم بردة وفاء عامر مش معقولة في الفيلم مع اني مش بحبها بس فعلا حبتها جدا في الفيلم اما عمرو سعد فممثل مفتعل زي خالد النبوي تمام
رأي في الفيلم انة كان في بعض الالفاظ الخارجة اللي
زي وفاء عامر وهي بتكلم زوجة عمر عبد الجليل ان مبيحزش في نفسية الراجل الا اذا عرف ............ وبردة سمية الخشاب وهي بتتكلم مع والدتها سوسن بدر . المفروض مكانتش اتقالت لخروجها عن الذوق العام
الحاجة التانية :انا سمعت ان الفيلم في زنا محارم ودخلت الفيلم ملقيتش في اي زنا محارم خالص غير ممكن لما البنت كانت بتقول يبقي ابو الاب مين انتا يامصطفي طب انت ياحنا ودي فعلا حقيقة ابناء وبنات الشوارع مش المسلسلات التافهة اللي حوالت تنقلها حنان ترك و بنت سمير غانم اللي بتقول بابي
بردة اختيار احمد بدير كرئيس التنظيم اللي بغير صوتة كانت ناقصة كبيرة في الفيلم حسستني بافلام زكي رستم وان زعيم العصابة يبقي هو الراجل الطيب الامير المغلوب علي امرة
مبالغتة الصراحة احيانا كثيرة يعني مش هتوصل لدرجة ان اولاد يتخانقوا فوق القطار وناس تقع والقطار ماشي والكمسري يقوله سيبك منهم يارب يموتوا كلهم لان الموضوع دا مبالغ فية جدا زي قضية التوربيني تمام وانا من المنوفية اساسا وفي عندنا اولاد شوارع ومناطق لسة مدخلتهاش المية والاغلبية عايشة علي مية الاتية من الصرف الصحي المنقاة بالكلور وتسعين في المية مصابين بالكبد مفيش اصلا كدة خالص ولو حصل ان كان فية عيال بتتخانق فوق القطار والسواق موقفش القطار هيندبح قبل مايوصل المحطة
دا احانا عندنا لو جاموسة واحد ضربها بالعربية لو معرفش يهرب هيموت من الفلاحين اللي ميعرفوش اساسا هي جاموسة مين يعني الموضوع فية افتعال شوية مش للدرجة يعني مش علشان واحد صايع عامل فردة علي ولاد الشوارع لما اتملعنوا عليه قتل واحد منهم علشان يادبهم والحكومة لزقتلة كل جرايم قتل العيال اللي ماتوا يبقي خلاص احنا بقينا كدة

العشوائيات
الفيلم ضرب ناقوش الخطر للعشوائيات في مصر ولابناء الشوارع
مشهد رائع ارتبط بمشهد اخر في نهاية الفيلم وهو ن عمرو عبد الجليل كان يجلس مع عمرو سعد علي النيل و كلمة علي حكاية (حزء)التجوال وانهم اتولودا محدش حس بيهم وعاشوا محدش حس بيهم وهيموتوا محدش هيحس بيهم وبالفعل ماتوابعدما تقرر هدم الحي علي اللي فيه
وعن بقية المشاهد الرائعة في رائي
مشهد محاولة سرقة الابن لصيغة امة
المشهد بتاع عمرو عبد الجليل لما بيقول لعمرو سعد بقي كدة يقتلها في الايام المفترجة قال يعني هي تفرق لو مكانتش في ايام غير مفترجة
مشهد التحشيش عمرو عبد الجليل وعمرو سعد

من ايجابيات الفيلم انة تحدث عن العلاقة بين تجار المخدارت والشرطة و كيفية تلفيق القضايا من الشرطة وفسادها

اخيرا وهذا انتقاد مني للفيلم هو لازم الوحدة الفقيرة علشان توصل وتبقي محترمة اجتماعيا انها تكون موميس ورقاصة ؟ والواحد علشان يبقي محترم لازم يبقي حرامي وتاجر مخدرات يعني مفيش اي نموذج ناجح في العشوائيات

*********

بقية التعليقات
نهاية البريء اول مرة فعلا اعرفها وتحية خاصة للوزير فاروق حسني
اتفق معاك فيما قلتة عن احمد السقا واختلف في كريم عبد العزيز
فيلم العشق والهوي نجح جماهيريا وان عن نفسي دخلتة مفهمتش منة غير شوية رجاله بتعيط
مبحبش منه شلبي وبعتبرها بنت خنيق مووت
سمية الخشاب ممثله تافهة زي مني زكي وياسمين ومي و باقية الجيل ولكنها كثرهن جراءه والجراءه مش شرط تكون موهبة

hannona
01-13-2008, 05:53 PM
منوفي,

هل هذا نقد ؟؟؟؟ :shock:

malek el masry
01-13-2008, 05:57 PM
منوفي,

حنان ترك في رايي هي اكثر بنات هذا الجيل موهبة تليها هند صبري تليهما منة شلبي.

منة شلبي لو تركز في ادوار بنات الطبقات الدنيا والمسحوقين زي دورها في فيلم الساحر حتبقي احسن كتير

اللي خنيقة هي مني زكي بطبيعة ادائها و نوعية افلامها و نوعية ادوارها و كونها نجمة المرحلة فده دلالة انها مرحلة خنيقة

كريم عبد العزيز جان خفيف الظل و مجتهد في ادائه لكن بيكرر نفسه
و لسه قدامه كتير.

فيلمه خارج علي القانون مزيج من تيتو وواحد من الناس. مافيهوش جديد

انا مش شايف كريم ممثل موهوب لكنه مجتهد و باجتهاده و حضوره عند الناس عنده القابلية و الامكانية انه يطور نفسه لكن لسه قدامه كتير

elvis
01-13-2008, 07:14 PM
hannona,

لا طبعا !!!!!!!!!!!!!!دا رأي انا مدرستش النقد الفني دي ملاحظاتي عن الفيلم حتي اني مفصلتش بين الايجابيات والسلبيات كله جنب بعضة
malek el masry,
او كعامه انا بحب هند صبري رقم واحد وبعدين حنان ترك اما منة دي اتمه مووت محبهاش رغم انها ممثله بيقولوا عنها انها كويسة اما مني زكي رغغم عارف انها مش ممثلة وانها تافهة لكن بحب طلتها علي الشاشة لكن منه بتسحب الاوكسجين

malek el masry
01-13-2008, 07:19 PM
لكن منه بتسحب الاوكسجين


:-P

ladyde
01-13-2008, 07:28 PM
الجزيرة" رسالة اجتماعية..بدون سفسطة
الفيلم قيمة ترفيهية عالية.. وأداء لا يختلف عليه اثنان
أحمد السقا.. فارس القرن الواحد والعشرين
هند صبري نجحت في تجسيد لوعة أنثي
قدرات زينة لم تظهر إلا عند الاحتضار

يتميز فيلم الجزيرة بقدرة ترفيهية عالية. وقيمة فنية ملحوظة. وقوة أداء تمثيلي لا يختلف عليها إثنان.. وأضيف أيضا قدرة كاتب السيناريو "محمد ديات" والمخرج "شريف عرفة" علي إيصال رسالة اجتماعية قوية ولكن بنعومة شاعرية وعقلانية حكيمة ليس بها ادعاءات أو سفسطة تقلل من مصداقيته !
المشاهد الأولي استعراض مُتمهل لمنظر طبيعي فاتن. وذلك قبل أن ندخل إلي عالم البشر والناس الذين يسكنون خلفه حتي ندرك أنه الهدوء الخادع والجمال الذي يخفي أحداثا تخرج منها حكايات غارقة في الدم والثأر الوحشي والجريمة المقننة والحب المستحيل.
أَميل شخصيا إلي تلقي الفيلم أولا علي مستوي الأسطورة قبل أن أعود لقراءة ثانية علي مستوي آخر تمنح للخيال البعيد. المبررات التي تجعله قريبا من الواقع. ومستوحي من الحقيقة. فليس الخيال للمبدع السينمائي إلا مَركبة فضاء يحلق بها للهبوط بالقرب من قلوب المشاهدين وتوقعاتهم.
فارس القرن ال 21
"منصور علي الحفني" "أحمد السقا" فارس لا يشبه فرسان زمان لأنه خرج من رحم زمن آخر. من أسرة ليست ملكية ولا نبيلة ولا حاكمة تملك الضياع والقصور والسيوف والموائد المستديرة أو الصحاري بامتداد البصر وإنما تمتلك حقول الأفيون الشاسعة ومطاريد الجبال الوعرة الغامضة ورعايا يسكنون بيوتاً من طين. قانونهم المتوارث ليس في الكتب وإنما محفور في أدمغة الكبار. يتوارثون المهابة والبطش وقوة الشكيمة جيلاً بعد جيل. ولهم الطاعة والإكبار وعليهم الحماية وتأمين الطعام. والقانون فوق الجزيرة عهد وقدر مكتوب ومن ينقضه هالك لا محالة حتي لو جرت في عروقه دماء القبيلة.
وكريمة "هند صبري" ابنة الأسرة المتنافسة. المتصارعة مع أسرة منصور. عاشقة له. تتطلع إلي الارتباط به. ومنصور العاشق أيضا. لا يملك الخروج من طاعة الأب "الكبير" - محمود ياسين - فيتزوج من "فايقة" "زينة" صديقة كريمة والأقرب إلي قلبها. و"فايقة" التي فازت في حلبة العشق تلد "علي" ابن منصور علي. ابن علي حفني. ثم تموت قتيلة برصاص شقيق كريمة الذي قتل أيضا أم منصور. حدث ذلك أثناء مأتم الأب وقبل أن يجف دمه. الأمر الذي يستدعي ثأرا بحجم الحدث.
تتولي "كريمة" رعاية ابن منصور الرضيع رغم الطعنة التي أصابت قلبها وكبرياءها. فهو قطعة من منصور وفلذة كبده. تخفيه عن العيون. وتغامر بحياتها حتي تحميه من عيون أفراد أسرتها. فالحب المستحيل بسبب الثأر. أو التناحر علي الأرض. أو التنافس علي السلطة والمال أو تجارة المخدرات. قيمة قديمة مشهورة وسوف تظل إلي يوم الدين. وتكتسب الحكايات نكهتها وحزنها ولوعة ألوانها. واختلاف عشاقها ومصائر المحبين الضالعين فيها باختلاف الزمن والبيئة الجغرافية والتقاليد واللون والجنس والطبائع الخاصة وحسب الدساتير غير المكتوبة..
قيمة بعدية
وفي أجواء "الجزيرة" حيث الوادي والجبل وأصل الجنوب. والقيم الذكورية البدائية. وتفشي الأمية.. وإلخ يلعب عنصر الديكور والملابس التي لا تشبه ملابس أهل الصعيد دورهما في تكريس هذه الغلالة الأسطورية والسمات الشكلية التي تبدو بعيدة وقريبة في آن واحد الخطوط والألوان التي تكتسب سمات عربية عامة وكأننا في ليلة من ألف ليلة. والبيت الأحمر الذي تعيش فيه أسرة علي حفني ومن بعده ابنه منصور وسوف يأتي بعده ابنه الطفل علي ربما في جزء ثاني. تصميم البيت من الخارج وديكوره المفترض من الداخل. يصلح مكانا للحكايات لا ترتبط بزمان. أو مكان جغرافي بعينه. ولكن للمكان سمات وملامح أخري. المرأة العجوز التي تتلصص بنظرها عبر النافذة. والبيوت المتواضعة. وكثير من الوجوه التي تسهم في إشاعة روح البيئة.
فهذه التفاصيل تمنح للبيت الكبير وجوده ولونه المتفرد. وللأثاث داخله منطقه الخاص. لأنه يعكس ذوقا ثقافيا وجماليا وحضاريا يتجاوز بكثير مستوي البشر الذين يعيشون بداخله فوق هذه الجزيرة المعزولة والتي يشكل الناس. الأمواج أو التيارات التي تحيط بها وتذود عنها ضد الأغراب الذين يفدون إليها.
وحوار الفيلم في أجزاء منه يتسم بالبلاغة. يستعرض أهميته العليا ودور التعليم "حوار الأب - الأمن" ولهذا السبب يختار علي الكبير الابن منصور بدلا من الشقيق الأكبر "حسن" باسم السمرة. عم منصور الذي يملأ قلبه الغل بهذا الاختيار ويستدعيه في مبارزة. يهزم فيها "حسن" بفضل مهارة منصور الذي يستخدم عقله قبل ذراعه بفضل ما ناله من تعليم ومعرفة.
في الحوار أيضا يكمن المنطق الداخلي المحرك للأحداث ويعيش به هؤلاء الخارجون علي القانون. الذين يدركون أن الجنَة التي وعدوا بها ليست في السماء وإنما علي الأرض لأنهم في النهاية مجرمون وقتلة. وجرائمهم تخضع "لقوانين" دنيوية ونفعية ليس فيها للدين وجود. فالنزعة الأخلاقية الدينية تكمن في عمق أعماق المؤلف والمخرج نشعر بها ضمنيا في تفاصيل أفعال أو ردود أفعال الشخصيات أو موتيفات مرئية عابرة.
إن الكاتب هنا يستفيد من ميراث الأدب العالمي والمحلي. والأعمال السينمائية الكلاسيكية "الأب الروحي. روميو وجوليت. رومانسيات الصحراء. والأعمال البوليسية" ويمنح أجواء حبكته وشخصياته المذاق العصري المناسب لحساسية متفرج اليوم وللظواهر التي تسود زمن وعالم قائم بالفعل محليا وعالميا. ولعل تطابق صورة المجرم الخارج علي القانون. مع المجرم باسم القانون. أو حتي المجرم باسم الدين. من أهم هذه الظواهر. أيضا العلاقة بين الشرطة المنوط بها تنفيذ القانون وتفعيله وبين تاجر المخدرات أو الإرهابي وتأثير الإعلام الفضائي في نشر قيم ودور هذه الظواهر.
في فيلم "الجزيرة" يعالج المخرج والمؤلف هذه العلاقة الشائكة والمركبة بذكاء وحنكة ونبرة ليست انفعالية وبمنطق عقلاني فالعلاقة بين الاثنين -حسب الفيلم- تحكمها نزعة نفعية "شيلني وأشيلك" فالضابط رشدي "خالد الصاوي" وقبله اللواء فؤاد "عبدالرحمن أبو زهرة" يؤمنان بمنطق "الصفقة" في التعامل مع "علي حفني" ثم مع "منصور" الابن من بعده الأخيران كمجرمين قادران علي السيطرة علي صناع الجريمة وعلي تمرير بعض صفقات المخدرات أو بعض الإرهابيين لتكريس مهمة رجل الأمن المكلف بالقبض عليهم كما هو مفروض.
لكن هذه الصفقة غير المعلنة في العلاقة بين الاثنين تسهم بالضرورة في استفحال قوة الخارج علي القانون إلي الدرجة التي تجعله يعتقد أنه هو نفسه القانون. أو أنه هو الحكومة شخصيا. وليس من قبيل المصادفة أن يلتقي "حاتم" المجرم الرسمي في فيلم "هي فوضي" مع "منصور" الضالع في تجارة المخدرات والسلاح في الجزيرة. فالاثنان إنتاج زمن واحد ويشكلان إحدي ظواهره. زمن جعل المجرم ورجل القانون من دون اتفاق مسبق وفي عملين مختلفين ينطقان جملة واحدة "أنا الحكومة" ومع ذلك تعاطف الناس من المجرم الخارج علي القانون "منصور" لأنه في نظرهم أكثر "كرما" مع الناس وقانونه في السياق البيئي والمجتمعي الذي خرج منه. قانون شرعي تتوارثه القبيلة بينما الآخر يستخدم القانون المدني للجشع والنهب والقسوة والإمعان في تعذيب الآخرين ومنهم أبرياء.
ورغم ذلك فالجزيرة توجه إدانة بليغة لرجل الشرطة المتواطئ وتدين مفهومه الخاطئ وفلسفته في مواجهة الإرهاب وتاجر المخدرات والسلاح. ويتمادي في الإدانة من خلال شخصية رجل الشرطة الذي يعمل موظفا عند "منصور" ويستطيع إقالته ثم إهانته. والشخصية رسمت بحيث تبدو بصورة ضعيفة وباهتة ومن دون مباشرة أو صوت عال أو مظهرية غوغائية "منصور" في الجزيرة وقبله والده "علي" ليست شخصيات عشوائية ولا فوضوية. وسلوكها الإجرامي يخضع "المفهوم" ورؤية تجعله يعتقد أنه لا يختلف عن الحكومة. فهو يتاجر في الأفيون وكذلك الحكومة وهو يستخدم السلاح يبيعه ويشتريه وكذلك تفعل الحكومة فحسب المنطق الذي يُقنن الخروج علي القانون وهو منطق فاسد ومغلوط فإن الحكومة تلعب علي نفس المسرح مع سلالة آل الحفني.
العنف عرف وقانون
لقد قدم الجزيرة "منطق" و"مفهوم" يكرس العنف من وجهة نظر صناعة. ولكنه أبقي علي شخصية ثانوية مهمة وضعها أيضا في مقدمة الصورة وهي شخصية الضابط الشاب طارق "محمود عبدالمغني" الذي يمثل مفهوما صحيحا يجعله يقف ضد والده وزوج شقيقته ويعارض منطقهما الذي يبرر مدّ العلاقة ويكرسها مع الخارجين علي القانون. ولكنه أبقي في نفس الوقت علي شخصية المجرم "منصور" دون أن يلوح بذلك مباشرة في نهاية الفيلم. فالصراع مستمر ولعبة العسكر والحرامية لن تتوقف.
لقد كسب "الجزيرة" أرضية جماهيرية واسعة بالقيمة الترفيهية العالية التي حمل مهمتها مخرجاً بناءً علي المستوي البصري والشعوري. يشيد المشهد بإدارة قوية لقطة لقطة وبإحساس المعماري الذي يعي صلابة البناء ومصادر الضوء والضحك والانفعالات والإثارة والتشويق ومردود الحركة العنيف "الأكشن" ومعارك الصراع الدموي بين المجرم ورجل القانون. أو بين الأسُر الجنونية في الصعيد التي استمرأت الإجرام واخضعت جانبا من الشرطة لقانونها الخاص. وخلق علاقة غير مرئية حميمة بين المكان ومن يعيشون فوقه ويتحركون في فراغه وتفاعل المكان وتفعيله باستخدام المؤثرات الصوتية. وكذلك دعم الحركة الخارجية والداخلية بحوار فلسفي شعبي أحيانا. وفلسفي أمني في أحيان أخري لو صح هذا التعبير والجمهور بفطرته واستسلامه التلقائي يستقبل الرسالة بتجاوب واضح.
المايسترو والفرقة
وعندما يكون المايسترو ضليعا يتحدي نفسه ويسعي إلي التفوق ستجد المصور "أيمن أبو المكارم" يعزف بنفس المهارة وقد بهرنا عنصر التصوير في الفيلم. وكذلك باقي الفنيين فالفيلم في النهاية "حاصل جمع" اسهاماتهم جميعا.
ويبقي الفانون أبطال الفيلم الذين يحتلون مقدمة المشهد أمام الجمهور ويجعلهم يتواصلون مع الشاشة. وهي مهمة يتحمل ثقلها أحمد السقا. أحد أدوات تفوق هذا العمل. الذي يتسلل بتأثيره وبمهارة حرفية كبيرة فهو ممثل يُخلص جدا في التعامل مع الشخصية. ويبذل جهدا ذهنيا مركزا أثناء أدائه لها فيذوب فيها ناقلا جوهرها وروحها.
أيضا الشخصية التي يلعبها محمود ياسين وهو ممثل عتيق ومتمرس كان فارسا في زمانه. ولعله يحتفظ بقدر من "خميرة" زمان فجعلها فعالة ونافذة في أدائه لدور "علي حفني" المجرم العتيد ورب الأسرة القبلي الذي يموت تاركا وصيته وفلسفته للابن وللحفيد بالطبع.
فالفيلم يستعرض مساحة قوية من خريطة أجيال الممثلين باختلاف صورهم. كل منهم يقدم عينة ممتازة من الأداء التعبيري بمن فيهم الممثل الذي لعب شخصية الابن الأخرس. فقد شكلوا جميعا جزءا من إمكانيات الصناعة الوطنية وعتادها من الممثلين أمثال عبدالرحمن أبو زهرة وعزت أبو عوف. وخالد الصاوي بأدائه الحلو اللاذع الذي لا يشبه ممثلاً آخر. وباسم السمرة بملامح وجهة وتكوينه ومستوي صوته وطبيعة أدائه فهو شخصية إنسان مصري قح. قروي أو من أبناء البيئة الشعبية في المدينة. بإمكانه تجسيدهما باقناع.
هند صبري وزينة
أتوقف عند هند صبري لأنها تستحق وقفة في تجسيدها لشخصية "كريمة" ففي عينيها كعاشقة مطعونة في القلب والكبرياء لوعة أنثي. وهزيمة امرأة. وحنين مُعَذبة وقوة إرادة اكتسبتها من بيئة ذكورية خشنة تخفي شلال المشاعر المخبأة تحت السطح.
والممثلة زينة في الفيلم لن تكشف عن امكانياتها إلا عبر مشهد واحد وهي تحتضر. واعتقد أن المخرج قام باطالته خصيصا حتي يمنحها الفرصة للتعبير والأداء الحميم وهي تفارق الزوج الذي تمنته طويلا والابن الرضيع الذي ستتركه في كنف الصديقة الوحيدة التي يمكن أن ترعاه.. علي أي حالة لم تكن الإطالة مملة علي مستوي الحكاية الخيالية وإن بدت غير واقعية أو ممكنة علي مستوي آخر

ladyde
01-13-2008, 07:31 PM
عجبني النقد ده من المساء قلت أجيبه :roll: :roll: :roll:

hannona
01-13-2008, 07:36 PM
منوفي,


لا طبعا !!!!!!!!!!!!!!دا رأي انا مدرستش النقد الفني دي ملاحظاتي عن الفيلم حتي اني مفصلتش بين الايجابيات والسلبيات كله جنب بعضة


منا قلت كده برده :)



كعامه انا بحب هند صبري رقم واحد وبعدين حنان ترك اما منة دي اتمه مووت محبهاش رغم انها ممثله بيقولوا عنها انها كويسة اما مني زكي رغغم عارف انها مش ممثلة وانها تافهة لكن بحب طلتها علي الشاشة لكن منه بتسحب الاوكسجين


على فكره منه شلبى بتمثل كويس يمكن ليها حاجات خنيقه بس تمثيلها حلو
منى زكى كنت بحس انها الاول كويسه بس دلوقتى لا
بس للاسف احنا بنقارن بينهم وانا فى نظرى ان كلهم شبه بعض لان الادوار بقت مكرره وحسه ان مفيش ادوار قويه حتى يظهر فيها التمثيل الحلو من الوحش

Red Alert
01-13-2008, 08:30 PM
العزيزة ليدي دي .. اسمحيلي أعلق على النقد المكتوب في المساء.. الصراحة أسلوب المقال النقدي دة أحد العوامل اللي جايبة النقد والسينما أقصى ورا ممكن.. أنا مش عارف ليه التغزل في أشياء هية بالنسبة لنا معروفة .. معروف إن النوع دة من التجمعات له "شكله الخاص" من حيث طريقة تداول السلطة والأوامر والهيكل التنظيمي وشكل علاقة الجماعة دي أو القبيلة دي باللي حواليها..

الصحفيين اللي بيسموا نفسهم نقاد منهم نوعين اتنين وحشين.. نوع "وحش" بيعيش في دور الأديب والروائي ..وصنف أكثر وحاشة بيحاول يحسسك بحاجات مش موجودة في النص وإن رأيه هو اللي صح وإن كل اللي بيختلفوا معاه يبقوا جهلة .. والصنف دة بيفكرني باللي بيتغزل بجمال المضارب في ماتش كرة قدم!

وراء كل صناعة سينما متخلفة نقد متخلف عقلياً.. والله تعالى أعلى وأعلم..

elvis
01-13-2008, 09:58 PM
منوفي,


لا طبعا !!!!!!!!!!!!!!دا رأي انا مدرستش النقد الفني دي ملاحظاتي عن الفيلم حتي اني مفصلتش بين الايجابيات والسلبيات كله جنب بعضة


منا قلت كده برده :)



كعامه انا بحب هند صبري رقم واحد وبعدين حنان ترك اما منة دي اتمه مووت محبهاش رغم انها ممثله بيقولوا عنها انها كويسة اما مني زكي رغغم عارف انها مش ممثلة وانها تافهة لكن بحب طلتها علي الشاشة لكن منه بتسحب الاوكسجين


على فكره منه شلبى بتمثل كويس يمكن ليها حاجات خنيقه بس تمثيلها حلو
منى زكى كنت بحس انها الاول كويسه بس دلوقتى لا
بس للاسف احنا بنقارن بينهم وانا فى نظرى ان كلهم شبه بعض لان الادوار بقت مكرره وحسه ان مفيش ادوار قويه حتى يظهر فيها التمثيل الحلو من الوحش

تكرار الادور ظاهرة عالمية وان كان في افلام من دول متخيلتش قوة السينما فيها انا النهاردة شاهدت فيلم عجبني جدا جدا من دوله ملهاش اي تاريخ في السينما الفيلم جنوب افريقي وهيجبرني اني القي نظرة عي السينما هناك

اما عن منة فمش علشان ان بكرهها اقول عليها ممثلة وحشة لكن انا مبحبهاااااااااش

hannona
01-13-2008, 11:01 PM
منوفي,


تكرار الادور ظاهرة عالمية وان كان في افلام من دول متخيلتش قوة السينما فيها انا النهاردة شاهدت فيلم عجبني جدا جدا من دوله ملهاش اي تاريخ في السينما الفيلم جنوب افريقي وهيجبرني اني القي نظرة عي السينما هناك


جنوبى افريقى :shock:
خلاص ابقى قولنا يمكن نقلب احنا كمان :) :)

elvis
01-13-2008, 11:41 PM
عامة الفيلم اسمة
Tsotsi
علي اسم بطل الاحداث

فيلم من اجمل ما رأيت في حياتي

OmDa 87
01-14-2008, 10:04 PM
هو أنا ملاحظ أنك يا مالك كررت حكاية انه ناصرى يجى 100 مرة و مش فاهم العلاقة أيه
بين توجهه و ميوله السياسية و قدراته كمخرج .،؟! هو مخرج كويس و مش هلاس
بس قليل الأدب بزيادة شوية

malek el masry
01-15-2008, 11:58 PM
Omda Elahlawy,

الفيلم عندي يا عمدة ليه شقين فني و فكري

و انا معاك ان حين ميسرة فنيا كويس لكن فكريا خطير جدا

خالد يوسف مش ماركسي و لا يساري خالص
كما يتخيل البعض

خالد يوسف بينتمي لاحقر تيار سياسي عرفته البشرية التيار الناصري او القومي
مع احترامي لكل الناصريين هنا و اكيد هما ناس محترمين بس انا بتكلم بشكل عام

يوسف شاهين مش ماركسي برضه- هو مثقف وطني
:)



خالد يوسف ابن التيار الناصري بامتياز في هذاالفيلم فهو الداعي لمشروع فاشل لدولة وطنية حديثة تمثل مصالح الشعب و تواجه الاعداء بقيادة الانتلجنسيا الوطنية

و الفيلم هو دعوة لفرز و تصنيف سكان العشوائيات بوضعهم في
statement
كاملة متكاملة تقدم جميع تفاصيل حياتهم و قيمهم و اخلاقهم و جمالياتهم كما تخيلها و تصورها خالد يوسف لا كما هي حقيقة

حياة اهالي العشوائيات ليست ميلودراما كما صورها الفيلم

واحد اتولد في الفقر و الجوع و بالصدفة يقابل في الشارع البنت الغلبانة و يحبوا بعض و لانهم مسحوقين تحت ظروفهم الواد يبقي بتاع مخدرات و البنت تشتغل عاهرة و اخوها يبقي ارهابي وولادهم يبقوا اطفال شوارع و يقعوا من فوق القطر و ولا حد يحس بيهم و في الاخر المنطقة كلها بتتهد علي دماغهم

ايه ياعم ده؟
:-P


و في الفيلم لا خلاص للناس دي من جواهم و من داخل حياتهم. الخلاص بييجي من بره عالم العشوائيات علي يد الانتلجنسيا الوطنية الشريفة التي يحذرها خالد يوسف من خطر احزمة العشوائيات و ناسها بتوع الجرائم و الموبقات و يدعوهم للاصطفاف و تحمل مسئوليتهم التاريخية لقيادة الدولة الوطنية في مصر الدولة التي انحرفت عن البوصلة السليمة بعدما سيطر عليها رجال الاعمال

اخر عك. فيلم فاشي بامتياز و ناصري بامتياز و خطير جدا علي المستوي السياسي و ان كان فنيا مش وحش

و تبلغ بخالد يوسف الوقاحة و الصفاقة ان يقول ان حين ميسرة اول فيلم عن العشوائيات في السينما المصرية

و اين فيلما سارق الفرح و الكيت كات لداود عبد السيد و ليه يا بنفسج و الساحر لرضوان الكاشف و يادنيا يا غرامي لمجدي احمد علي؟ و كلها افلام عن حياة العشوائيات بجد لا كما يتصورها ميلودراميا خالد يوسف الفاشي

اللي مخرج يساري فعلا و بجد هو داود عبد السيد عشان كده افلامه عبقرية و بتجيب من الاخر

مواطن و مخبر و حرامي مثلا جاب كل حاجة

elvis
01-16-2008, 12:29 AM
malek el masry,

انا معاك طبعا ان فيه مبالغة لكن النهاية ان مقتنع بيها جدا لانة عايز يقول ان دخلوا الدنيا زي ماطلعوا محدش حاسس بيهم ولا بالمشاكل بتاعتهم
اللي غاظني فعلا مشهد القطار وحالة الامبالاة بتاعه الكمسري وسعت من خالد يوسف اؤي اؤي زي مناقولت قبل كدة

الافلام السابقة ما اظهرتش حالة البؤس اللي بيعيشها ابناء العشوائيات زي فيلم حين ميسرة كذلك نقل صورة لابناء الشوارع مقاربة للحقيقة فيما عدا مشهد القطار

بالنسبة ليوسف شاهين هو غجري وطني

malek el masry
01-16-2008, 04:10 PM
منوفي,

النهاية دي خطيرة جدا يا منوفي لانها بتقول لا خلاص لهذه الناس بايديهم

الفيلم كله علي بعضه رجعي بيخوف الناس من الفقراء

منطق الفيلم هو منطق الحكومة تماما. كل انجازات الحكومة يطيح بها الغوغاء و ان الشعب المصري ليس ناضجا بما يكفي و لا هو اهل للديمقراطية و ما الي ذلك من خرافات السياسة و السينما في مصر

الفيلم بيغلق باب الامل و معه باب السياسة. الفيلم بيبرر للحكومة فشلها و يثير احاسيس الفزع و الخوف من الفقراء و الضجر منهم

بل اكثر الفيلم يحض علي كراهية الفقراء و التماس العذر للسلطة
التي تواجه شعبا لا يليق

elvis
01-16-2008, 06:24 PM
malek el masry,

فين بس التحريض علي كراهية الفقراء دا كل نماذج الفقراء ناس مقهورين وغير مؤذيين خالص هالة فاخر الام المقهورة اللي منتظرة ابنها يرجع من العراق وبترفض فلوس ابنها الحرام و عمرو عبد الجليل كان مبدع وكنت بستناه والله طول الفيلم وفاء عام زوجة مقهورة لا بتهش و لا بتنش حتي مقالتش لجوزها انها كانت مخلفه من جوزها الاولاني علشان احاسيسه حتي عمرو سعد الاكثر عنفا كانت افعاله كلها رد فعل حتي لما حاول يسرق والدتة ضميرة صحي و انضرب علشان يسيب الدهب لها

في نفس الوقت السلطة كانت كلها مثال للفساد فساد وتلفيق في الشرطة واغتصاب للافراد العائلة بما فيهم الام الشمطاء ومحمود قابيل مبسوط بالمجزرة لحد ماعرفف انها في رجاله
الامن المركزي ورشوة بين المسئولين الكبار في البلد

ممكن بس تفهمني النقطة دي علشان حضرتك اكيد قريت اللي بين السطور اكتر مني وياتري دا رايك بردة في فيلم هي فوضي

ahlawi_qadeem
01-18-2008, 10:29 AM
Malek elmasry wrote:

خالد يوسف بينتمي لاحقر تيار سياسي عرفته البشرية التيار الناصري او القومي
مع احترامي لكل الناصريين هنا و اكيد هما ناس محترمين بس انا بتكلم بشكل عام

هل هناك شخص محترم ينتمى إلى تيار أو حزب غير محترمين؟ مجرد سؤال..


خالد يوسف ابن التيار الناصري بامتياز في هذاالفيلم فهو الداعي لمشروع فاشل لدولة وطنية حديثة تمثل مصالح الشعب و تواجه الاعداء بقيادة الانتلجنسيا الوطنية

ثم

و في الفيلم لا خلاص للناس دي من جواهم و من داخل حياتهم. الخلاص بييجي من بره عالم العشوائيات علي يد الانتلجنسيا الوطنية الشريفة التي يحذرها خالد يوسف من خطر احزمة العشوائيات و ناسها بتوع الجرائم و الموبقات و يدعوهم للاصطفاف و تحمل مسئوليتهم التاريخية لقيادة الدولة الوطنية في مصر الدولة التي انحرفت عن البوصلة السليمة بعدما سيطر عليها رجال الاعمال

أرى بعضا من التناقض بين هاتين الفقرتين.. فمرة تتهم المشروع الناصرى بالتجائه إلى الانتلجنسيا الوطنية كوسيلة.. ومرة تسميها الانتلجنسيا الوطنية الشريفة .. وتتهم خالد يوسف بتحذيرها -أى الانتلجنسيا الوطنية الشريفة- من العشوائيات.. هل هناك فعلا تناقض، أم أنك تتهكم بوصفك لها بالشرف؟

وبغض النظر عن وجود تناقض أو عدمه فيما كتبته أنت أو قرأته أنا.. ماذا تقصد فعلا ب الانتلجنسيا الوطنية؟ أريد أن أفهم فقط لو سمحت..

وأيضا هل هناك، أو كانت هناك ثمة علاقة شخصية بينك وبين خالد يوسف؟ أنا أسأل فقط لأنه يبدو –من بوستاتك والتى لا أستطيع تحديدها الآن- أن لك بعض العلاقات بالوسط الفنى

Red Alert
01-18-2008, 04:06 PM
فيتووووووووووووووووووووووووووووووووووووووووووووووو وووووووووووووووووو..

1-حكاية قلة الوعي السياسي دي بصراحة حقيقة لا داعي لأن ننكرها بكل أسف.. ولو كان هناك وعي سياسي حقيقي لما امتلك الحزبوطني أكثر من 15 مقعد في مجلس الشعب..

إذا كان علي الدين هلال يتباكى في البرنامج الفاشل "حالة حمار" على قلة عدد المصوتين فأنا أرى أن المشكلة في المصوتين أنفسهم الذين يستجيب قطاع كبير منهم للرشوة الخدمية أو يصوت لاعتبارات قبلية أو عاطفية..

كم من الناس من كل الطبقات يعرف أن الحزبوطني يساوم الناس على خدمات هم يدفعون ثمنها؟

كم منا معشر الذين ساروا طويلاً في درب التعليم يعرفون أن الديمقراطية أكثر من مجرد تصويت بيولوجي في الانتخابات؟ الديمقراطية تداول سلطة وشفافية ورقابة وتوافر معلومات يساعدك على الاختيار..

برأيي حتى أن قول الحزبوطنيين بغياب الوعي السياسي يشبه عبارة المتنبي التي تسببت في قتله : الخيل والليل والبيداء تعرفني .. والسيف والرمح والقرطاس والقلم!

2-عفواً.. السينما لم تتعامل بواقعية مع الشرائح الفقيرة في المجتمع ، وسكان العشوائيات هم شريحة "مختلفة نسبياً" عن "الفقراء التقليديين"..

في السينما والأدب إما أن "تتملق" الفقراء لأجل مكاسب سياسية كما حدث في الخمسينات ، أو تجارية كما حدث في الثمانينات .. وإن كان "حين ميسرة" كما قلت عزيزي مالك فهو يمثل سابقة خطيرة إذ ينتقل من "التملق والنفاق" إلى "التقطيع"!

عذراً للإطالة..

malek el masry
02-28-2008, 05:28 PM
طائر علي الطريق فيلم رائع لمحمد خان و اداء لافت لاحمد زكي

ممكن نعتبره ارهاصة لفيلم الحريف

مزج رائع بين افلام الطريق الامريكية و افلام الموجة الجديدة الفرنسية و برغم كده مصري جدا

الافلام دي يستحيل تتعمل دلوقت ليس فقط لان الناس لا يمكن تستوعبه و تقبله و لكن ايضا لانه ليس هناك من يستطيع صنع هذه الافلام الان

لاوريتا
02-28-2008, 05:47 PM
لسه شايفه امبارح فيلم طباخ الرئيس
الفيلم حلو جدا
كوميدي وكمان عايز يقول حاجه ومش تافه
:?: :)

malek el masry
02-28-2008, 07:15 PM
senyoreta,

ده فيلم علاقات عامة و دعاية لحسني مبارك
:)

لاوريتا
02-28-2008, 07:22 PM
malek el masry,

ده فيلم علاقات عامة و دعاية لحسني مبارك

ماهو عشان كده عاجبني :lol:
مطلع المشكله كلها في الناس اللي حوالين الريس
وانهم بيضلللوه !!!
فتحس انه عايز يقول حاجه يعني مش فيلم والسلام :mad:

malek el masry
02-28-2008, 07:24 PM
senyoreta,

ماهي المشكلة في الحاجة دي اللي قالها
:-P

لاوريتا
02-28-2008, 07:28 PM
malek el masry,

ماهي المشكلة في الحاجة دي اللي قالها

لا هو قال كتير :lol:
بالذات لما طلعوا اشاعه في البلد ان فيه كسوف للشمس
والبلد فضيت ع الريس
ولما قالوله ان علبه الكشري بنص جنيه :roll:

malek el masry
12-04-2008, 02:14 PM
انا كنت بفكر اكتب دراسة عن افلام نادية الجندي و تعبيرها عن فكر الطبقة الوسطي المصرية في السبعينات و الثمانينات

تفوقت علي كل تجار المخدرات في فيلم الباطنية

اكتسحت سوق الخردة في فيلم وكالة البلح

سيطرت علي سوق الجزارة في فيلم المدبح

جابت نصر اكتوبر 1973 لمصر و هزمت الموساد في فيلم مهمة في تل ابيب

صارعت مراكز القوي ايام ناصر في فيلم ملف سامية شعراوي

عملت ثورة 23 يوليو في فيلم امراة هزت عرش مصر

اقتحمت عالم المافيا و طلعت مارلون براندو و ال باتشينو مع بعض في فيلم عصر القوة

قدمت قضايا الاحوال الشخصية للمراة في فيلم الضائعة

وصلت الي كهوف افغانستان و طالبان في فيلم امن دولة

دخلت الي عالم الارهاب في فيلم الارهاب

قدمت كوميدي في فيلم بونو بونو

حاربت مافيا بيزنس الدواء في مصر في فيلم اغتيال

صالت و جالت في تخليد العوالم و الراقصات الشرقيات في افلام بمبة كشر ووداد الغازية و عالم و عالمة

من الصعب انك تلاقي حاجة ماعملتهاش نادية الجندي
:lol: :mad: :mad:

malek el masry
12-04-2008, 02:15 PM
افلامها مهمة في الرصد الاجتماعي للواقع المصري و الاهم من الواقع افكارنا و تصوراتنا عن هذا الواقع

طبعا هي افلامها فنيا في الضياع لكن دلالتها الفكرية و الاجتماعية مهمة لان انحطاط مضامين الافلام دي فكريا و نجاحها الجماهيري برغم ذلك لا يعني الا ان الطبقة الوسطي المصرية بتسخر من نفسها بنفسها و ده موضوع مهم

Red Spirit
12-04-2008, 05:44 PM
افلامها مهمة في الرصد الاجتماعي للواقع المصري و الاهم من الواقع افكارنا و تصوراتنا عن هذا الواقع

طبعا هي افلامها فنيا في الضياع لكن دلالتها الفكرية و الاجتماعية مهمة لان انحطاط مضامين الافلام دي فكريا و نجاحها الجماهيري برغم ذلك لا يعني الا ان الطبقة الوسطي المصرية بتسخر من نفسها بنفسها و ده موضوع مهم

أنا بتفق على أهمية الأفلام حتى الضعيفة فنياً.

بس بالنسبة لـ "تسخر من نفسها بنفسها" , حددلنا أكتر تقصد إيه.

Red Alert
12-04-2008, 09:24 PM
أتفق فقط مع أهمية الأفلام دي في رصد طريقة إنتاج الأفلام في الفترة دي من تاريخ الصناعة في مصر.. الرصد دة علشان نكون موضوعيين لازم يتضمن كله بلا استثناء ، سواء الأفلام عالية القيمة والابتكار زي الأفوكاتو والعار وخرج ولم يعد ، أو الأفلام التجارية الجماهيرية لنادية الجندي وعادل إمام ، أو أفلام الفيديو اللي سميت بأفلام المقاولات زي اللي أخرجها ناصر حسين وصلاح سري ، أو حتى الهلس السياسي اللي قدمه ناس زي هشام أبو النصر.. روائع خان والطيب والميهي وأشرف فهمي وفظائع أبو النصر وإبراهيم عفيفي على السواء..

malek el masry
12-04-2008, 11:54 PM
Red Alert,

حضرتك تحليلك جزئي يعني بتركز علي تاريخ صناعة السينما كفن

لكن انا بتكلم عن مجال اكبر انا بتكلم عن السينما و دورها في انتاج الايديولوجيا في المجتمع و التعبير عن مجموعة القيم و الشفرات الثقافية و الاجتماعية المهيمنة في الفضاء العام

يعني انا مهتم بسوسيولوجيا السينما هنا

Red Spirit,

سافعل ان شاء الله

The lion king
12-05-2008, 02:56 AM
ناديه الجندى اخدت تكريم على فكره من اسبوعين..لانهم اعتبروا افلامها كانت من الافلام اللى كافحت ظاهرة المخدرات :lol:

لكن فى الفتره دى..كانت فيه موضه اسمها افلام المخدرات والاكشن

وكانت تركيبة الفيلم لازم تحتوى على كام مشهد ضرب..على كام مطارده مثيره(طبعا لا كانت مثيره ولا حاجه)وكام رقصه على كام مشهد وفستان ساخن

وكان الهاجس فى وقتها الافلام الهندى..اللى كانت مكتسحه السوق واللى انا كنت من عشاقها :mad:

فالافلام دى كانت محاكاه للافلام الهندى..او تمصير ليها..وخصوصا فى الاكشن وجو العصابات والمطاردات

لكن من ناحيه المضمون و العمق والرؤيه والتناول الفنى..صفر كبير

فيكفى ان هز العرش تحول ل هز الوسط

وكان مفيش فرق بين الاتنين

اهه كله هز

وهز يا وز :lol:

pecaso
12-26-2008, 01:03 AM
بسم الله الرحمن الرحيم

السينما المصرية عامرة جداا بالأفلام المميزة علي مدار تاريخها مرورا بأجيال متعددة من المخرجين والممثلين والمؤلفين

فيه منهم من ترك علامات مميزة ومنهم من فشل وترك خلفه فن هابط

في هذا التوبيك قول رأيك في اجمل الافلام المصرية علي مدار تاريخها بمناقشة موضوعية وتقيم الافلام من حيث

الاخراج

السيناريو والحوار

اداء الممثلين

الموسيقي التصويرية

الديكور

التصوير

بالاضافة الي ابداء الاراء في احسن الممثلين والمخرجين والمؤلفين ومديري التصوير ومؤلفين الموسيقي التصويرية

:???: :???: :???:

malek el masry
12-26-2008, 01:17 AM
pecaso,

توبيك مكرر يا بيكا

توبيك سينما نعم سينما لا موجود

للدمج

pecaso
12-26-2008, 01:22 AM
malek el masry,

مانا بقي مافهمتش من اسم التوبيك مع اني شاركت فيه تقريبا كتير

يله كله في صالح السينما المصرية :roll:

malek el masry
12-26-2008, 01:26 AM
pecaso,

كله يهون عشان خاطرها
:roll:

MIAMIKING22
12-26-2008, 01:37 AM
مفيش اسماء ادباء جدد

ادباء بمعنى الكلمة يقدروه يقدم اعمال و مواضيع تهم قضايا المجتمع المصرى

بعيد عن الاكشن المصطنع و الكوميديا السطحية الموجودة حاليا

و حتى لو فى قدرات شباب السينما و عدم مخاطرتهم بتقلل خروج الاعمال دى للنور

malek el masry
12-26-2008, 11:16 AM
مفيش اسماء ادباء جدد

ادباء بمعنى الكلمة يقدروه يقدم اعمال و مواضيع تهم قضايا المجتمع المصرى

بعيد عن الاكشن المصطنع و الكوميديا السطحية الموجودة حاليا

و حتى لو فى قدرات شباب السينما و عدم مخاطرتهم بتقلل خروج الاعمال دى للنور

العكس تماما

احنا بنشهد دلوقت ازهي عصور الابداع الروائي تحديدا. ادخل مكتبة الشروق و حتلاقي عشرات الطبعات من عشرات الروايات الجديدة و كلها بتبيع و توزع و اغلبها جيد

من الروائيين القدامي الكبار اللي لسه اكتيف جدا: بهاء طاهر و ابراهيم عبد المجيد و خيري شلبي و ابراهيم اصلان و صنع الله ابراهيم

و من الروائيين الشباب احمد خير و مكاوي سعيد و يوسف زيدان و حمدي ابو جليل و احمد خالد توفيق و عصام مخلوف و ياسر شحاتة

المشكلة مش في عدم وجود الروايات و القصص. الروايات موجودة و زي الفل. المشكلة في المنتجين و الموزعين اللي مابيحولوهاش الي افلام تحت وهم ان الجمهور عايز كده و الجمهور مش بيحب الاعمال الجادة

المشكلة في مؤسسات الانتاج اللي بتتعامل مع السينما علي انها صناعة هدفها الربح فقط و ليست فنا و بالتالي بتلجا الي التنميط و الاستسهال و فرض الذوق الواحد

بالمناسبة اشرف عبد الباقي عمل فيلم صياد اليمام عن رواية ابراهيم عبد المجيد الجميلة اليمامة و الصياد بس لسه ما اتعرضش

و ادي دقني لو الموزعين مادبحهوش في دور العرض و ادي دقني لو فيه ناس حتدخله اساسا

MIAMIKING22
12-26-2008, 11:43 AM
malek el masry, :?: :?:

معاك حق و انت تعرف اكتر

بس الواحد جاله ملل من افلام الاكشن المصرى التعبانة و نفسه يتفرج على حاجة كويسة

و معاك ان المنتجين واخدين سينما تجارة

Red Alert
12-26-2008, 04:57 PM
نحن مقنعون في كل أنواع الأفلام باستثناء نوع واحد..









الفيلم الرومانسي الذي يتباكى عليه نقاد الستينيات!

أجد صعوبات رهيبة في تصديق مواضيع الأفلام الرومانسية في مصر ، والتي لا تخلُ من افتعال (تامر حبيب) ، وبها أبطال لا يتناسبون مع "الورق" المكتوب سناً (كتير) "إزاي أصدق شحوطة في أواخر الثلاثينيات من العمر وهمة عاملين ناس في أوائل العشرينيات؟"... وبدت مواضيعها مستهلكة ومحاكاة رديئة لرومانتيكيات السينما الهوليودية التجارية التي تأتي عادةً أبسط وأقل "حذلقة" وأكثر واقعية..

نحن لا نجيد هذا النوع من الدراما ، وهذا من قديم الأزل .. فلماذا يتباكى عليه من يتباكى الآن؟ نعم من الممكن أن نتباين فيما بيننا في وجهات النظر .. لكن فيه أوجه عوار تتحدى مستوى النظر..

The lion king
12-26-2008, 11:19 PM
Red Alert,
شكلك مخنوق اوى من تامر حبيب :) :-P
هو تامر حبيب كل اللى اعرفه له فيلمه سهر الليالى اللى سمعنا عليه دش وصداع كانه بقى من كلاسيكيات السينما المصريه

ايه افلام تامر حبيب الاخرى عشان مش متذكر

Red Alert
12-27-2008, 08:16 PM
lion king:

له "في العشق والهوى" والبتاع اللي بيتعرض حالياً واسمه "تيمور وشفيقة"..

Sir Mohammad Yousry
02-22-2010, 09:56 PM
يا دكتور مكملتش الموضوع الجميل ده ليه
انا قلت علي اخر صفحه حلاقي نقد لكل افلام العبقري عاطف الطيب

malek el masry
02-23-2010, 12:02 AM
يا دكتور مكملتش الموضوع الجميل ده ليه
انا قلت علي اخر صفحه حلاقي نقد لكل افلام العبقري عاطف الطيب


النفس مسدودة و الهمة مفقودة و الكسل استوي علي عرش مملكته

:-)

bibo010
02-23-2010, 12:09 AM
لسه كان فى مناقشه ساخنه فى البيت بيتك
طبعا ساخنه بمعنى الكلمه
عن فيلم احاسيس هههههههههه
هانى جرجس فوزى بيقول انه بيفرج ولاده على مناظر جدنسيه :lol:
وبيقول ايه يعنى اما الاطفال تتفرج لازم يتعودوا علشان لو منعناهم هيتفرجوا من ورانا :-)

Sir Mohammad Yousry
02-23-2010, 12:11 AM
يا دكتور مكملتش الموضوع الجميل ده ليه
انا قلت علي اخر صفحه حلاقي نقد لكل افلام العبقري عاطف الطيب


النفس مسدودة و الهمة مفقودة و الكسل استوي علي عرش مملكته

:-)
لا لا لا لا
مينفعش كده
الموضوع جميل قوي ولازم يكمل
او عيل الاقل تكمل عن عاطف الطيب
الراجل ده مش واخد حقه ابدا و محدش يعرفه لان الناس بطلت تتفرج علي الافلام العربي اللي بجد
في حين اننا كمصريين مبنعرفش نعمل افلام كويسه الا لو واقعيه
الباقي كله افلام بتاعة وقتها

malek el masry
02-23-2010, 12:20 AM
يا دكتور مكملتش الموضوع الجميل ده ليه
انا قلت علي اخر صفحه حلاقي نقد لكل افلام العبقري عاطف الطيب


النفس مسدودة و الهمة مفقودة و الكسل استوي علي عرش مملكته

:-)
لا لا لا لا
مينفعش كده
الموضوع جميل قوي ولازم يكمل
او عيل الاقل تكمل عن عاطف الطيب
الراجل ده مش واخد حقه ابدا و محدش يعرفه لان الناس بطلت تتفرج علي الافلام العربي اللي بجد
في حين اننا كمصريين مبنعرفش نعمل افلام كويسه الا لو واقعيه
الباقي كله افلام بتاعة وقتها


اصلي مابقتش بحبه اوي دلوقت و دي مشكلة تانية

Sir Mohammad Yousry
02-23-2010, 12:25 AM
يا دكتور مكملتش الموضوع الجميل ده ليه
انا قلت علي اخر صفحه حلاقي نقد لكل افلام العبقري عاطف الطيب


النفس مسدودة و الهمة مفقودة و الكسل استوي علي عرش مملكته

:-)
لا لا لا لا
مينفعش كده
الموضوع جميل قوي ولازم يكمل
او عيل الاقل تكمل عن عاطف الطيب
الراجل ده مش واخد حقه ابدا و محدش يعرفه لان الناس بطلت تتفرج علي الافلام العربي اللي بجد
في حين اننا كمصريين مبنعرفش نعمل افلام كويسه الا لو واقعيه
الباقي كله افلام بتاعة وقتها


اصلي مابقتش بحبه اوي دلوقت و دي مشكلة تانية
:lol::lol::lol::lol:
طب شوف بتحب مين و اكتب عنه مدام ناس واقعيه و بنفهم افالمهم يبقي اكتب يا دكتور

The lion king
02-23-2010, 12:40 AM
يا دكتور مكملتش الموضوع الجميل ده ليه
انا قلت علي اخر صفحه حلاقي نقد لكل افلام العبقري عاطف الطيب


النفس مسدودة و الهمة مفقودة و الكسل استوي علي عرش مملكته

:-)
لا لا لا لا
مينفعش كده
الموضوع جميل قوي ولازم يكمل
او عيل الاقل تكمل عن عاطف الطيب
الراجل ده مش واخد حقه ابدا و محدش يعرفه لان الناس بطلت تتفرج علي الافلام العربي اللي بجد
في حين اننا كمصريين مبنعرفش نعمل افلام كويسه الا لو واقعيه
الباقي كله افلام بتاعة وقتها


اصلي مابقتش بحبه اوي دلوقت و دي مشكلة تانية
احسنت:-x

Sir Mohammad Yousry
02-23-2010, 12:43 AM
يا دكتور مكملتش الموضوع الجميل ده ليه
انا قلت علي اخر صفحه حلاقي نقد لكل افلام العبقري عاطف الطيب


النفس مسدودة و الهمة مفقودة و الكسل استوي علي عرش مملكته

:-)
لا لا لا لا
مينفعش كده
الموضوع جميل قوي ولازم يكمل
او عيل الاقل تكمل عن عاطف الطيب
الراجل ده مش واخد حقه ابدا و محدش يعرفه لان الناس بطلت تتفرج علي الافلام العربي اللي بجد
في حين اننا كمصريين مبنعرفش نعمل افلام كويسه الا لو واقعيه
الباقي كله افلام بتاعة وقتها


اصلي مابقتش بحبه اوي دلوقت و دي مشكلة تانية
احسنت:-x
طب ليه ؟؟
انا الافلام اللي شفتها ليه بصرف النظر عن ان فيه مشاهد حسيتها مش منطقيه بس الفيلم بيبقي كويس جدا
انتو ايه اعتراضكو عليه و من وجهة نظركو مين احلي ؟؟

The lion king
02-23-2010, 01:07 AM
هو مخرج كويس
لكن مش عبقرى يعنى

Sir Mohammad Yousry
02-23-2010, 01:15 AM
هو مخرج كويس
لكن مش عبقرى يعنى
ممممم
هو بصرف النظر عن فيلم الزوجه الثانيه مشوفتش فيلم عربي عجبني اكتر من افلامه خصوصا سواق الاتوبيس

مع الاعتبار اني مشفتش المومياء و مش بحب الناصر صلاح الدين نهائيا

Sir Mohammad Yousry
02-23-2010, 01:16 AM
The lion king (http://forum.el-ahly.com/member.php?u=5323)

انت فاكر نفسك احمد حسن و لا ايه ؟؟:p:p:p

The lion king
02-23-2010, 01:19 AM
هو مخرج كويس
لكن مش عبقرى يعنى
ممممم
هو بصرف النظر عن فيلم الزوجه الثانيه مشوفتش فيلم عربي عجبني اكتر من افلامه خصوصا سواق الاتوبيس

مع الاعتبار اني مشفتش المومياء و مش بحب الناصر صلاح الدين نهائيا
لا يا راجل فيه افلام كتير حلوه لمخرجين غيره
انا شايف ان شريف عرفه مميز عنه

The lion king
02-23-2010, 01:20 AM
The lion king (http://forum.el-ahly.com/member.php?u=5323)

انت فاكر نفسك احمد حسن و لا ايه ؟؟:p:p:p
اشمعنى

Sir Mohammad Yousry
02-23-2010, 01:23 AM
The lion king (http://forum.el-ahly.com/member.php?u=5323)

انت فاكر نفسك احمد حسن و لا ايه ؟؟:p:p:p
اشمعنى


عشان الكاس ده بتاعه هو
:-P:-P:-P
و الناس كلها عارفه كده

malek el masry
02-23-2010, 01:25 AM
فنيا افلامه فيها مشاكل

اما سياسيا فبيتعبني و بيزعجني

Sir Mohammad Yousry
02-23-2010, 01:25 AM
هو مخرج كويس
لكن مش عبقرى يعنى
ممممم
هو بصرف النظر عن فيلم الزوجه الثانيه مشوفتش فيلم عربي عجبني اكتر من افلامه خصوصا سواق الاتوبيس

مع الاعتبار اني مشفتش المومياء و مش بحب الناصر صلاح الدين نهائيا
لا يا راجل فيه افلام كتير حلوه لمخرجين غيره
انا شايف ان شريف عرفه مميز عنه
ممكن رغم اني مش من محبي شريف عرفه غير في المنسي و طيور الظلام
كاخراج يعني الباقي حسيته عادي

malek el masry
02-23-2010, 01:26 AM
انا بحب محمد خان و خيري بشارة من جيل الطيب

Sir Mohammad Yousry
02-23-2010, 01:31 AM
فنيا افلامه فيها مشاكل

اما سياسيا فبيتعبني و بيزعجني
مممممممم
انا بحبه و مقتنع بيه رغم اني مش ناقد ولا قريت في السينيما بس بحبها

عموما ياريت تكمل عن اي حد يعجبك لاني التوبيك فعلا شدني و لذيذ و ممتع جدا
او تتكلم عن اهم الافلام العربي و الاجنبي اللي شدته و لو حتي في توبيك تاني:???::???:

Sir Mohammad Yousry
02-23-2010, 01:41 AM
انا بحب محمد خان و خيري بشارة من جيل الطيب
محمد خان شفتله في شقة مصر الجديده و الحريف :-x:-x:-x:-x:-x
و زوجة رجل مهم و ايام السادات

اما خيري فمفتكرش اني شفت له حاجه

في حين ان الطيب انا شفتله افلام كتير
زي البرئ و سواق الاتوبيس و ليله ساخنه و الهروب و سواق الاتوبيس و الدنيا علي جناح يمامه و ضربة معلم و كشف المستور

malek el masry
02-23-2010, 01:51 AM
انا بحب محمد خان و خيري بشارة من جيل الطيب
محمد خان شفتله في شقة مصر الجديده و الحريف :-x:-x:-x:-x:-x
و زوجة رجل مهم و ايام السادات

اما خيري فمفتكرش اني شفت له حاجه

في حين ان الطيب انا شفتله افلام كتير
زي البرئ و سواق الاتوبيس و ليله ساخنه و الهروب و سواق الاتوبيس و الدنيا علي جناح يمامه و ضربة معلم و كشف المستور


الطيب اعظم افلامه عندي هو سواق الاتوبيس
ايضا الهروب حلو و ايضا الحب فوق هضبة الهرم

محمد خان

الحريف و ده اجمل افلام الواقعية الجديدة علي الاطلاق

بحب اوي احلام هند و كاميليا و موعد علي العشاء و طائر علي الطريق
و مشوار عمر و زوجة رجل مهم

خيري بشارة الطوق والاسورة و العوامة 70 و يوم مر يوم حلو

Sir Mohammad Yousry
02-23-2010, 01:53 AM
انا بحب محمد خان و خيري بشارة من جيل الطيب
محمد خان شفتله في شقة مصر الجديده و الحريف :-x:-x:-x:-x:-x
و زوجة رجل مهم و ايام السادات

اما خيري فمفتكرش اني شفت له حاجه

في حين ان الطيب انا شفتله افلام كتير
زي البرئ و سواق الاتوبيس و ليله ساخنه و الهروب و سواق الاتوبيس و الدنيا علي جناح يمامه و ضربة معلم و كشف المستور


الطيب اعظم افلامه عندي هو سواق الاتوبيس
ايضا الهروب حلو و ايضا الحب فوق هضبة الهرم

محمد خان

الحريف و ده اجمل افلام الواقعية الجديدة علي الاطلاق

بحب اوي احلام هند و كاميليا و موعد علي العشاء و طائر علي الطريق
و مشوار عمر و زوجة رجل مهم

خيري بشارة الطوق والاسورة و العوامة 70 و يوم مر يوم حلو

فعلا الافلام دي انا بحبها جدا و عجبتني قوي قوي


يعني انزل اللي مشفتوش منهم علي ضمانتك ؟؟

malek el masry
02-23-2010, 01:55 AM
انا بحب محمد خان و خيري بشارة من جيل الطيب
محمد خان شفتله في شقة مصر الجديده و الحريف :-x:-x:-x:-x:-x
و زوجة رجل مهم و ايام السادات

اما خيري فمفتكرش اني شفت له حاجه

في حين ان الطيب انا شفتله افلام كتير
زي البرئ و سواق الاتوبيس و ليله ساخنه و الهروب و سواق الاتوبيس و الدنيا علي جناح يمامه و ضربة معلم و كشف المستور


الطيب اعظم افلامه عندي هو سواق الاتوبيس
ايضا الهروب حلو و ايضا الحب فوق هضبة الهرم

محمد خان

الحريف و ده اجمل افلام الواقعية الجديدة علي الاطلاق

بحب اوي احلام هند و كاميليا و موعد علي العشاء و طائر علي الطريق
و مشوار عمر و زوجة رجل مهم

خيري بشارة الطوق والاسورة و العوامة 70 و يوم مر يوم حلو

فعلا الافلام دي انا بحبها جدا و عجبتني قوي قوي


يعني انزل اللي مشفتوش منهم علي ضمانتك ؟؟

طبعا دي افلام رائعة

Sir Mohammad Yousry
02-23-2010, 01:59 AM
انا بحب محمد خان و خيري بشارة من جيل الطيب
محمد خان شفتله في شقة مصر الجديده و الحريف :-x:-x:-x:-x:-x
و زوجة رجل مهم و ايام السادات

اما خيري فمفتكرش اني شفت له حاجه

في حين ان الطيب انا شفتله افلام كتير
زي البرئ و سواق الاتوبيس و ليله ساخنه و الهروب و سواق الاتوبيس و الدنيا علي جناح يمامه و ضربة معلم و كشف المستور


الطيب اعظم افلامه عندي هو سواق الاتوبيس
ايضا الهروب حلو و ايضا الحب فوق هضبة الهرم

محمد خان

الحريف و ده اجمل افلام الواقعية الجديدة علي الاطلاق

بحب اوي احلام هند و كاميليا و موعد علي العشاء و طائر علي الطريق
و مشوار عمر و زوجة رجل مهم

خيري بشارة الطوق والاسورة و العوامة 70 و يوم مر يوم حلو

فعلا الافلام دي انا بحبها جدا و عجبتني قوي قوي


يعني انزل اللي مشفتوش منهم علي ضمانتك ؟؟

طبعا دي افلام رائعة
:c010::c010::c010:
قشطه

MIB
02-23-2010, 12:07 PM
حد عنده لينكات لنسخه نضيفه من فيلم ارض الخوف عشان انا نزلت النسخه اللي على ماي ايجي طلعت سيئة جدا

Sir Mohammad Yousry
02-23-2010, 09:37 PM
وليد
check pm

malek el masry
03-08-2010, 08:09 AM
http://img686.imageshack.us/img686/7293/postermeshwar.jpg



مشوار عمر

إنتاج عام
1985


إنتاج: الأصدقاء فيلم، تصوير: طارق التلمساني، قصة: محمد خان+رؤوف توفيق، سيناريو وحوار: رؤوف توفيق، مونتاج: نادية شكري.

وفي عام 1985، عاد محمد خان وقدم فيلمه (مشوار عمر)، ليواصل بحثه عن الجديد الذي توقف عنده في فيلم (الحريف
في هذا الفيلم بالذات تبدأ اهتمامات محمد خان بالتحولات الاقتصادية والاجتماعية في المجتمع، حيث يتناول تأثيراتها النفسية على الإنسان المصري، بأسلوب سينمائي جديد وخلاق وغير مباشر في نفس الوقت. فهو هنا يتناول قضية اجتماعية هامة وخطيرة.

وقضية الفيلم، هي قضية الشباب الفاقد لكل الأحلام والطموحات والذي ينحدر من سلالة الطبقة البورجوازية الجديدة، التي أثرت ثراء سريعاً في ظل سياسة الانفتاح الاقتصادي، وساهمت بشكل كبير في بروز المجتمع الاستهلاكي. ومن ثم ظهرت ثروات مادية ضخمة وخيالية .. ثروات تحطمت فوقها كل أحلام وطموحات أبناء هؤلاء الانفتاحيين الأثرياء. حيث لم يعد هؤلاء الشباب في حاجة إلى الحلم بالحصول على سيارة مثلاً.. أو الحاجة للدخول في أية مشاريع استثمارية لضمان المستقبل، فكل شيء سهل وميسور وفي متناول أيديهم. ومع ضياع الحلم والطموح لدى هؤلاء الشباب، أصبحوا يفتقدون لأي هدف حقيقي واضح، وإنعدمت في داخلهم روح تحمل المسئولية، كما أصبحوا يعيشون على هامش هذه الحياة.

هذا ما قدمه محمد خان ورؤوف توفيق (كاتب السيناريو) من خلال فيلمهما هذا، وذلك عندما أخذانا مع عمر (فاروق الفيشاوي) في مشوار مليء بالمفاجآت استغرقت أحداثه ثمان وأربعون ساعة فقط. فعمر هذا هو ذلك الشاب الذي يملك كل شيء دون أن يؤدي أي شيء. فبالرغم من أنه يحمل مؤهلاً جامعياً إلا أنه لا يجد ضرورة لأن يعمل، معتمدا علي ثروة والده تاجر المجوهرات في تأمين حياة رغدة وسهلة له. ولهذا نراه شاباً مدللاً ومستهتراً وغير مسئول، لا يخطط للوصول إلى هدف معين ويعيش حياته بلا معنى بعيدة عن الاستقرار الاجتماعي والنفسي. فهو يملك سيارة فخمة وثمينة اشتراها له والده .. هذه السيارة بشكلها وطرازها الأخاذ تتحدى كل من يراها، وتترك في عيونه نظرة هي مزيج من الحسد والإعجاب، وهي بالطبع جزء لا يتجزأ من شخصية عمر، لا يعيش إلا بها ولها، ولا يتركها إلا ليعود إليها. فكل أحداث الفيلم تسير بشكل متواز معه ومعها، لذلك تظل ماثلة أمامنا دائماً حتى عندما تسرق، وذلك عندما نلاحظ التغيير المفاجئ الذي يحدث لشخصية عمر بسبب فقدها، وكأنما يفقد بذلك كل مكونات شخصيته.

هذا الشاب يتعرض للاستجواب من قبل فتاة (سمية الألفي) كانت تربطه بها علاقة عاطفية عندما كان يسكن نفس الحي الشعبي الذي تسكنه، وقبل أن ينتقل إلى حي آخر أنيق يناسب مركزه المالي، ناسياً أصوله الاجتماعية وناسياً جيرانه ورفاقه. هذه الفتاة تحاول استفزازه عندما تواجهه ببعض الحقائق التي لا يرغب في مواجهتها. ولكن هذه اللحظة ليست هي محور الفيلم، بل يتجاوزها محمد خان سريعاً باعتبارها بداية الامتحان الصعب والتجربة الحياتية الهامة التي يعدها لعمر .
يبدأ عمر مشواره الإجباري بتوصيل صندوق مجوهرات إلى طنطا حيث كلفه والده بذلك. فماذا يصادف في مشواره هذا؟ نراه يلتقي بشخصيات ونماذج إنسانية كثيرة .. نماذج تجسد حالات ومواقف كثيرة وترصد الكثير من التحولات والتطلعات الاستهلاكية المستجدة، يتعرف من خلالها على سلوكياتهم وممارساتها. في البدء يلتقي بشاب قروي اسمه عمر أيضاً (ممدوح عبدالعليم)، شاب بسيط فقير وساذج، ليست لديه طموحات من أي نوع، مستسلم لقدره بالعمل في محطة بنزين حيث يلتقيه عمر الأول عندما ينفذ بنزين سيارته. لكنه يقبل بسرعة عرض عمر له بمصاحبته في مشواره وتوفير عمل مناسب له في القاهرة، وذلك رغبة منه في تحقيق حلمه بالتخلص من حالة الفقر والواقع الصعب الذي يعيشه، وذلك رغم معارضة والده الفلاح لفكرة السفر.

كما يلتقي عمر بسائق الشاحنة (أحمد عبدالوارث) الحرامي الحاقد على مجتمعه، هذا المجتمع الذي علمه أن يكره ويقتل ويتحدى كل القوانين. أيضاً هناك نجاح (مديحة كامل) المرأة التي دفعتها ظروفها إلى الانحراف. والكثير من الشخصيات والأحداث والتفاصيل الصغيرة، التي جعلت من هذا المشوار عبارة عن تجربة ذاتية هامة ومؤثرة يكتسبها عمر في النهاية عندما يجد نفسه وحيداً ضائعاً ويائساً داخل سيارته المحطمة فوق صخور شاطئ البحر المهجور. هنا يجد نفسه في مواجهة ذاته، فأما أن يعيد النظر في مشوار حياته القادمة، أو يكرر المشوار ذاته. فالفيلم لا يوضح لنا ذلك، لكننا نشعر بأن تغييراً كبيراً سيطرأ على حياة عمر، يتبعه تغيير في مواقفه وعلاقاته ورؤيته للحياة.

إن محمد خان في فيلم (مشوار عمر) يقدم تجربة سينمائية جريئة طموحة وغير تقليدية بالنسبة للسينما المصرية. ويتضح ذلك منذ اللقطة الأولى .. منذ الدقائق الأولى. حيث يضعنا أمام شخصيته الرئيسية مباشرة، ومن خلال لقطات سريعة وخالية من أية ثرثرة حوارية، مختصراً بذلك كل من يمكن أن يقال من شرح وتقديم مطول عودتنا عليه الأفلام المصرية التقليدية. كما لا يفوتنا أن نشير إلى أن محمد خان قد جعل من نجاح وعمر الثاني شخصيتين مساندتين للشخصية المحورية، حتى يبرز ما في أعماق الأخيرة من متناقضات سلوكية أخلاقية ونفسية. وهو لا يتخذ موقفاً مباشراً من هاتين الشخصيتين، فهما مناسبتان لظروف ذاتية وموضوعية، ولكنه يعرض مبرراتهما بشكل صادق وموضوعي، تاركاً للمتفرج الحرية في إصدار الحكم عليهما، هذا بالإضافة إلى أن محمد خان هنا لا يعتمد على الحدوته التقليدية المتمثلة في الحبكة البسيطة لسرقة المجوهرات من السيارة، والمحاولة اليائسة لاستعادتها، وإنما يهتم اهتماما خاصاً بشخصياته وما تصادفه من أحداث ومواقف، بغية التعبير عن وجهة نظره ورؤيته السينمائية إزاء تلك الشخصية البورجوازية الطفيلية التي برزت بشكل واضح في مجتمع الانفتاح الاقتصادي الاستهلاكي. ثم أننا نراه هنا قد استغنى تماماً عن الموسيقى التصويرية واكتفى بصوت إذاعة مونت كارلو منطلقاً من داخل السيارة بما يحويه من أخبار وحوار مع نجوم المجتمع وأغنيات وموسيقى الروك أند رول. وبالطبع لم يأت هذا الاختيار اعتباطيا، بل جاء تعبيراً عن جو الانحباس لدى عمر وتعلقه بهذه السيارة.

أما نهاية الفيلم فقد كانت منطقية إلى حد كبير، حيث نلاحظ ابتعاد محمد خان عن النهايات الملفقة ذات الحلول النمطية السهلة. فنحن نرى عمر وقد قذفت به ظروف مشواره في مكان مهجور، بعد أن نجح سائق الشاحنة في سرقة المجوهرات، وعاد عمر الثاني إلى مكانه الطبيعي وهو العمل في الأرض، بعد ضياع أحلامه وتبخرها. وواصلت نجاح مسيرتها الخاصة جداً. وكما عودنا خان في جميع أفلامه، انطلق بكاميرته إلى الأجواء الرحبة والحياة العادية لتكون شاهدة على ما يدور ويحدث أمامها من حالات ومواقف ناقلة لكل الانفعالات والممارسات الصادرة من شخصيات الفيلم، ونجحت بالفعل في تجسيد كل ذلك بأمانة وصدق وتلقائية منسابة غير مقحمة بقيادة مدير التصوير طارق التلمساني.
وأخيراً .. نؤكد من جديد بأن فيلم (مشوار عمر) يعتبر علامة بارزة وهامة ليس في مشوار محمد خان السينمائي فحسب، بل في مسيرة السينما المصرية.

Sir Mohammad Yousry
03-08-2010, 05:30 PM
يا دكتور مالك
اولا فيلم طائر علي الطريق حلو جدا جدا:???::???:
عيبه الوحيد اني مقدرتش اتعاطف مع فردوس عبد الحميد:evil::evil: لاني مش بطيقها:-?
الموسيقي بتاعته مش طبيعيه انا نزلتها لوحدها:-x:-x
و دي ملحوظه في افلام محمد خان ان الموسيقا فيها عاليه قوي
الحريف انا اتفرجت عليه اصلا لما سمعت تيمه الشوارع حواديت :heart:خلتني اقعد قدام الفيلم
برده في شقة مصر الجديده موسيقتها رقيقه قوي

اما الفيلم اللي بتقول عليه فمدام فيه مديحه كامل يبقي حتفرج عليه:x:x

طلب اخير
متعرفش مكان عالنت اقدر انزل منه فيلم الزمار لاني دخت عليه و مش لاقيه:$:$

malek el masry
03-08-2010, 06:57 PM
كمال بكير هو مؤلف الموسيقي التصويرية للفيلم و لافلام تانية كتير لخان زي الثار و خرج و لم يعد و ضربة شمس و افلام اخري مثل سواق الاتوبيس و زمن حاتم زهران

مؤلف موسيقي رائع كان بيشتغل وكيل وزارة و توفي من سنتين


الزمار صعب تلاقيه

Sir Mohammad Yousry
03-08-2010, 07:08 PM
كمال بكير هو مؤلف الموسيقي التصويرية للفيلم و لافلام تانية كتير لخان زي الثار و خرج و لم يعد و ضربة شمس و افلام اخري مثل سواق الاتوبيس و زمن حاتم زهران

مؤلف موسيقي رائع كان بيشتغل وكيل وزارة و توفي من سنتين


الزمار صعب تلاقيه
الله يرحمه
شكرا يا دكتور:???::???: