El-Ahly.com Fans Forums :: منتدى جماهير الأهلي » Ahly Fans Section » فنون و موسيقى و سينما »

اجمل الجمل في تاريخ السينما المصرية

 

Reply

Old 12-24-2008, 04:15 PM   #1
Default اجمل الجمل في تاريخ السينما المصرية
جواز عتريس من فؤادة باطل. يحيي شاهين في شئ من الخوف

ايه هي الحرية يا محمود؟ انك تكون عبد للحقيقة و بس
و البحر يا محمود؟الملاذ الاخير من غباوة العالم
و الحب يا محمود؟ انا الذي احبك فانا المدين لك بكل شئ

عزت العلايلي في الاختيار

اهم حاجة الحماس اي كلام يتقال بحماس لازم يتسمع بحماس. سعاد حسني في خللي الك من زوزو

انا الدموع اللي بتفضح صاحبها. شكري سرحان في اللص و الكلاب

لا انتصار بدون الحقد. لا تحرر بغير الحب. محمود المليجي و احمد مظهر في الناصر صلاح الدين

زمن اللعب راح خلاص. عادل امام في الحريف

مسيرها تروق و تحلي. احمد زكي في احلام هند وكاميليا

الناس الدنيا ساطلاهم من غير حاجة. جميل راتب في الكيف

العدالة ليها رجلين تنصف المظلوم و تعاقب الظالم. انتم عايزين عدالة برجل واحدة بس. عادل امام في الغول

الحكومة مالهاش دراع عشان تتلوي منه كمال الشناوي في الارهاب و الكباب

الثار ليس مجرد انتقام. محمود ياسين في الثار

كل شئ يتغفر الا الخيانة. محمود ياسين في الجلسة سرية

الناس بتعرف بعضها اكتر لما تقرب من بعض لكن انا عرفتك و انتي بتبعدي. فاروق الفيشاوي في اغتصاب

انا اشتري السرير و هو ينام فيه. فاروق الفيشاوي في امراة هزت عرش مصر

انهي بلد بتتكلم عليها؟ بلد اللي ماسكين الكرابيج ؟ و لا بلد اللي بينجلدوا بيها ؟ نادية الجندي في مهمة في تل ابيب

العيب مش فيكم العيب في النظام. برايز في فيلم ثقافي

لا تجادل ولا تناقش يا اخ علي حتي لا تقع في المحظور. احمد راتب في الارهابي

داري ايديك يا خال دم هنادي بينقط منهم فاتن حمامة في دعاء الكروان

مشكلة ابويا انه مش قادر يصدق انه اعمي. شريف منير في الكيت كات

انا حاسس ان ربنا بيعذبني في الدنيا عشان شايل لي فرحة كبيرة قوي في الاخرة. حسين فهمي في الاخوة الاعداء

احنا في زمن المسخ. عادل امام في عمارة يعقوبيان

كلكم عايزين تبقوا فتوات؟ امال مين اللي حينضرب؟ توفيق الدقن في الشيطان يعظ

الحشيش لو حلال ادينا بنشربه و لو حرام ادينا بنحرقه. نور الشريف في العار

انا امي بتتخن من الجوع. عمرو سعد في حين ميسرة

عملوا لك ايه الناس يا زرياب؟ اللي عايز قميص يشتريه و اللي بتفكر حتتجوز امتي لا موتك عمل حاجة ولا موتي حيعمل حاجة.

اشرف عبد الباقي في ايس كريم في جليم

انا وطني بنشد و بطنطن و اتباهي بمجدك يا وطنطن..علي كل الاوطان متسلطن. حسن كامي في سمع هس

ده النيل و ده الهرم دي مصر ياعبلة. محمود ياسين في الصعود الي الهاوية


اللي اتعود يعيش اله صعب يعيش عبد. خالد صالح في الريس عمر حرب

انهم جياع يا عظمة السلطان و ينتظرون ساعة الخلاص. الناصر صلاح الدين

يا ولاد الكلب. نور الشريف في سواق الاتوبيس

احنا الاخوان الشيوعيين. محمود عبد العزيز في ثلاثة علي الطريق

الذين يحبون لا يتزوجون. نور الشريف في السكرية

مافيش حاجة مالهاش ذاكرة. عمرو واكد في جنينة الاسماك

ماشي يا بني ادميين . محمد سعد في اللمبي

يالك من شنقيط. عبد المنعم ابراهيم في اسماعيل ياسين في الاسطول

الغازية لازم ترحل. البوسطجي

ابن الجنايني بقي ظابط يا انجي. احمد مظهر في رد قلبي

جاتكم القرف مليتو البلد. محمد هنيدي في جائنا البيان التالي

انا لو كنت بعلم كلاب كان زماني بقيت مليونير بس ياخسارة انا بتاع بني ادمين. نجيب الريحاني في غزل البنات

احنا لو رحنا الجنة مش حنلاقي حد نعرفه. عادل ادهم في الراقصة و الطبال

دقيقة واحدة تفرق يا امال. زكي رستم في نهر الحب

الرجولة ادب مش هز اكتاف. محمد سعد في الناظر

و اطيعوا الله و اطيعوا الرسول و اولي الامر منكم. انت حتكفر يابني؟
حسن البارودي في الزوجة الثانية

السجن علمك حاجات وسخة..و انت السوق علمك حاجات ****. سعاد حسني في حب في الزنزانة

تعرف الانسان بيقابل مين في اخر الرحلة؟
- الشيطان؟
-يا ريت. ده بيقابل نفسه
عزت العلايلي في الاختيار

هو فيه حد في الدنيا يقدر يحوش من المرتب؟ رشدي اباظة في عالم عيال عيال

لكنك لا تفهم يا سلطان المسلمين الحطابون في الجبال النائية و الفلاحون في الحقول و العجائز حول نار المدفاة كلهم ينتظرون عودة ريتشارد بمفاتيح اورشليم. حمدي غيث في الناصر صلاح الدين

الكونياك مشروب البنت المهذبة. استيفان روستي في سيدة القصر

امك بس هي اللي تعرف مين ابوك. نبيلة عبيد في الاخر

اللي مالوش اهل الحكومة اهله. راقية ابراهيم في زينب

عليكي لعنة الفلاح خديها من قلب فلاح ابن فلاح . يوسف وهبي في الافوكاتو مديحة

انا مش شايف في مصر غير بيبان مقفلة. محمد العربي في حمام الملاطيلي

انت من الاحرار يا علي. كمال ياسين في رد قلبي

البلد بقت قاسية اوي علي ولادها يا باشا. هند صبري في عمارة يعقوبيان

مش كل واحد قراله كتابين حيهد الدنيا و يبنيها. شعبان عبد الرحيم في مواطن و مخبر و حرامي

المجتمع مش غفور رحيم. عبد الوارث عسر في شباب امراة

شعبي يقول عليا ايه؟. احمد زكي في ايام السادات

انا عندي حبوب للضحك و حبوب للكلام و حبوب للسعادة بس ماعنديش حبوب للحزن عشان ده موجود طبيعي. عادل امام في الانسان يعيش مرة واحدة

الجواز مش للغلابة اللي زينا. احمد زكي في الحب فوق هضبة الهرم

الافكار ليها اجنحة ماحدش يقدر يمنعها توصل للناس. سيف عبد الرحمن في المصير

كنت مغفلا. عبد المنعم مدبولي في الحفيد

انتي مادخلتيش دنيا؟ ولا دخلتي و بتستعبطي؟ عادل ادهم في ثرثرة فوق النيل

ماتبسطهاش اكتر من كده. عبد السلام النابلسي في شارع الحب

انا حلمي كان صغير و فضل يصغر يصغر لحد ما اختفي و مابقتش اشوفه. علاء ولي الدين في عبود علي الحدود

هيه الجيوش العربية حتيجي امتي؟ محمود الجندي في ناجي العلي

بلدي قوي يا حسين. اشاعة حب

انا بقيت زي الجزيرة اقرب واحد ليا علي البر التاني. محمود ياسين في الجزيرة

انا مشيت ورا قلبي انجرحت..مشيت ورا عقلي انجرحت اكتر. بوسي في حبيبي دائما

اللي يشوف البلد دي من فوق غير اللي يشوفها من تحت. عادل امام في طيور الظلام

عيش و سبني اعيش يا باشا. طلعت زكريا في التجربة الدنماركية

دم الدهاشنة في الكوباية يا رجالة. شئ من الخوف

كلنا مجرمين و كلنا ضحايا. كمال الشناوي في الكرنك

الموت اجبن من البني ادم لانه بييجي له من ضهره بييجي له علي غفلة
فريد شوقي في السقا مات

واحد مصاحب علي علوكة و اشرف كخة عايزينه يطلع ايه؟ محمد سعد في اللي بالي بالك

كلنا فاسدون لا استثني احدا حتي بالصمت العاجز. احمد زكي في ضد الحكومة

كل اللي بيروحوا السينما حيدخلوا النار. محمود حميدة في بحب السيما

ماحدش بياكلها بالساهل. نجمة ابراهيم في ريا وسكينة

بقي معقولة ابن الحاج عبد التواب مايعرفش اصول التخزين؟ التخزين كان من اختصاص الدفاس و ابو دقشوم.
العار

من النهارده مافيش حكومة. انا الحكومة. احمد السقا في الجزيرة

قول ورايا يا يحيي..مصر حتفضل غالية عليا.. محسن محيي الدين في وداعا يا بونابرت

و اكلم مين لما احب اخاطب شعب مصر؟ واسلاماه

ممكن توقف لي القطر؟ يسرا في المنسي

صابرين و شاكرين و حامدين. اعمل حاجة بقي. فريد شوقي في الكرنك

مستر اكس هاز نو اند. فؤاد المهندس في عودة اخطر رجل في العالم

اجمل حاجة في الدنيا ان مراتي تبقي عشيقتي و عشيقتي تبقي مراتي. سعيد عبد الغني في حبيبي دائما

الرجالة مابيحملوش يا عبده. خالد الصاوي في عمارة يعقوبيان

ياعزيزي كلنا لصوص. محمود عبد العزيز في ياعزيزي كلنا لصوص

ماتامنش لاي ست في الدنيا غير امك. ولو ابوك طلقها ماتامنلهاش. محمد هنيدي في صعيدي في الجامعة الامريكية

كلنا ولاد نعيمة الماظية. سعاد حسني في خللي بالك من زوزو

لازم يكون فيه واحد مسئول يخللي الباقيين مش مسئولين. سيف ابو النجا في امبراطورية ميم

خلليك نبي و انشر دعوتك.
-مااقدرش اكون نبي
و مين قالك اني اقدر اكون اله؟

فاتن حمامة و محمود ياسين في الخيط الرفيع

عشان مصر تعيش اغلي الناس بتموت. ماجدة في العمر لحظة

احنا صغيرين قوي ياسيد.. لا ياامي احنا كبار بس مش عارفين نشوف نفسينا. سناء جميل و احمد زكي في اضحك خللي الصورة تطلع حلوة

بتشجع الاهلي ولا الزمالك يا دياب؟
بشجعك انت يا زينهم بيه

احمد زكي في الامبراطور

الراحة مابتجيش غير بطلوع الروح. شكري سرحان في اللص و الكلاب

احنا صناع الارادة. نور الشريف في الرقص مع الشيطان

عايز تورلوب يا اهل الطب. محمود عبد العزيز في جري الوحوش

قدام متكهرب. اشرف عبد الباقي في علي جنب يا اسطي

الحرامية لما بيتخانقوا مع بعض الحكومة بتطلع منها. عادل امام في اللعب مع الكبار

الخطة الخمسية معمولة عشان الاجيال اللي جاية..طيب و الاجيال اللي عايشة دلوقت تعمل ايه؟ لبلبة في معالي الوزير

اللي مالوش خير في حاتم مالوش خير في مصر. خالد صالح في هيه فوضي؟

ايه اللي جاب القلعة جنب البحر؟ محمد سعد في عوكل

الشئ اللي ماينفعش نعمله قدام الناس يبقي ماينفعش نعمله خالص.
سعاد حسني في اميرة حبي انا

دعاء الكروان اترينه كان صوته يترجع هذا الترجيع حين صرعت هنادي في ذلك الفضاء العريض؟ طه حسين في دعاء الكروان

و رحمة ابويا تعبت. مني زكي في سهر الليالي

في بلدنا ابن الضابط لازم يطلع ضابط و ابن تاجر المخدرات لازم يطلع تاجر مخدرات. كريم عبد العزيز في خارج علي القانون

ابن الاراجوز بقي باشا. عمر الشريف في الاراجوز

الحب عند الصعايدة حب صعب. ميرفت امين الحب قبل الخبز احيانا

انا بني ادم ياسي محمد. فاطمة رشدي في العزيمة

و سياسة مولانا حتكون صداقة الكتلة الشرقية ام الغربية؟
لا شرقية ولا غربية. دقهلية

فريد شوقي في

حتروح فين من ايامك يا ايوب؟ تحية كاريوكا في اه يابلد اه

علي ايامنا البنات كانوا بيتمنوا اي حاجة فيها شعر و ريحتها سجاير. هدي سلطان في عودة الابن الضال

السلم نايلو في نايلون و العتبة جزاز و اللي يخون بلده و اهله يستاهل الحرق بجاز. فؤاد المهندس في العتبة جزاز

انت مابتحبش امك عشان هيه اجمل واحدة. حسين فهمي في مافيا

وظايفنا و مراكزنا مش هي الشئ الوحيد اللي يستحق التقديس والاحترام مش هي الشئ الوحيد اللي حندنسه بسقوطنا مش هي الشئ الوحيداللي لو اتخلينا عنه حنبقي في حل من عذاب الضمير
محمود عبد العزيز في العار

انتم اول ناس نطت من المركب و هي بتغرق.. انت و اللي زيك من اللي كسبوا الدنيا و خسروا نفسهم. احمد زكي في الحب فوق هضبة الهرم

الراجل اللي يسلم نفسه لواحدة ست زي الست اللي تسلم نفسها لراجل مافيش فرق. عبد الوارث عسر في شباب امراة

كلكم اقطاي. تحية كاريوكا في واسلاماه

السجاير حتخسر صحتك ماتخليهاش كمان تخسر اخلاقك. فاتن حمامة في امبراطورية ميم

ياما بيوت مليانة رقاصات مابيشتغلوش في كباريهات. سامية جمال في الرجل الثاني

انتي اجمل مكنة شفتها في حياتي. فؤاد المهندس في عائلة زيزي

سلم لي ع البتنجان. نادية الجندي في الباطنية

ابكي انزف اموت و تعيشي يا ضحكة مصر. احمد مرعي في اغنية علي الممر

انا خايف التعويرة تفضل تكبر تكبر لحد ماتضيق علينا المكان. محمد سعد في كركر

عندما تتلاقي الحتمية البيولوجية مع الحتمية الايديولوجية عندها تتحقق حرية الانسان. نور الشريف في قلب الليل

ده ما بعتبروش معتقل بالمعني المعروف لكنه مكان للتامل و الاستجمام الفكري. محمود عبد العزيز في البرئ

هما بيعملوا فيكو كده ليه؟ عشان احنا اللي فهمنا يا سبع الليل.

احمد زكي و ممدوح عبد العليم في البرئ


انت فاتك قطر الجواز؟ انا فاتتني قطارات كتير. يسرا و عادل امام في المنسي

اللي عايز يوصل حيعرف. ليلي علوي في الوان السما السابعة


لما بكون معاك بحس ان الابواب كلها بتتفتح . ميرفت امين في زوجة رجل مهم

كانت أيام ما تتعوضش كان عندنا قوة وقلب عشان كنا رجالة ووقفنا وقفة رجالة وأخرتها دي النتيجة اللي وصلنالها قاعدن بنشكي و نولول زي النسوان ...
. محمود المليجي في الارض

طظ. حمدي احمد في القاهرة 30
__________________
ايتها السماء صبي غضبك علي الاغبياء- عبد السلام النابلسي

إن تكن شابت الذوائب مني.. فالليالي تزينها الأقمار
Reply With Quote

Old 12-24-2008, 04:23 PM   #2
Default
نمرتك عالمدفع بوروروم


هو بغباوته بوشه العكر
__________________
أما إللي خان ناسك وأوطاني
م الهيبه حاطينه في قفص تاني
يصحى وينعس والجميع واقفين
ومصر عارفة وشايفة وبتصبر
لكنها في خطفة زمن تعبر
وتسترد الإسم والعناوين
Reply With Quote

Old 12-24-2008, 04:31 PM   #3
Default
شكرا ياباشا : ده من كتاب عمر طاهر ؟
__________________





Reply With Quote

Old 12-24-2008, 04:37 PM   #4
Default
bibo010,

نو

دي من اختياري
__________________
ايتها السماء صبي غضبك علي الاغبياء- عبد السلام النابلسي

إن تكن شابت الذوائب مني.. فالليالي تزينها الأقمار
Reply With Quote

Old 12-24-2008, 04:52 PM   #5
Default
malek el masry,
اوك
*******************


** روح يا شيخ اله يعمر بيتك ( زكى رستم رصيف نمره 5 )
__________________





Reply With Quote

Old 12-24-2008, 05:34 PM   #6
Default
malek el masry,

ذاكرة سينيمائية فذة وقوية جدا :

قد تكون لي عودة للموضوع فبعض الجمل شدتني
__________________
قالت : تعال إليّ واصعد ذلك الدرج الصغير
قلت : القيود تشدّني و الخطو مضنى لا يسير
مهما بلغت فلست أبلغ ما بلغت..وقد أخور
درج صغير..غير أنّ طريقه بلا مصير


Reply With Quote

Old 12-24-2008, 05:44 PM   #7
Default
malek el masry,

جميلة اوي : :

اعتقد ان دي فقرة من كتاب ابن عبدالحميد الترزي بتاع عمر طاهر

من كتابي المفضلين : :
Reply With Quote

Old 12-24-2008, 05:58 PM   #8
Default
سلم لي ع البتنجان. نادية الجندي في الباطنية
___

من ابوخ الجمل اللي اتقالت
او يمكن اداء الجملة اللي خلاها كده

___

ماتامنش لاي ست في الدنيا غير امك. ولو ابوك طلقها ماتامنلهاش.

___

ده اقتباس فكري من نابليون لكن اكثر تهذبا
__________________
قالت : تعال إليّ واصعد ذلك الدرج الصغير
قلت : القيود تشدّني و الخطو مضنى لا يسير
مهما بلغت فلست أبلغ ما بلغت..وقد أخور
درج صغير..غير أنّ طريقه بلا مصير


Reply With Quote

Old 12-24-2008, 06:00 PM   #9
Default
صرخة احمد زكي في نهاية فيلم البريء .
__________________
قالت : تعال إليّ واصعد ذلك الدرج الصغير
قلت : القيود تشدّني و الخطو مضنى لا يسير
مهما بلغت فلست أبلغ ما بلغت..وقد أخور
درج صغير..غير أنّ طريقه بلا مصير


Reply With Quote

Old 12-24-2008, 06:12 PM   #10
Default
العيب مش فيكم...العيب في النظام

فيلم ثقافي

__________________



Reply With Quote

Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بوابتي
شات
منتديات
العاب اكشن
العاب قتال
العاب سريعة
العاب رياضية
العاب سيارات
العاب مجانية
العاب للبنات فقط
العاب الورق
العاب حربية
العاب ذكاء
العاب اطفال
العاب باربي
لعبة باربي
برنامج الماسنجر للبلاك بيري
برامج
بلاك بيري
البلاك بيري
صور بلاك بيري
العاب البلاك
العاب البلاك بيري
العاب للبيبي
ثيمات بلاك بيري
كيرف
بولد
بلاك بيري جديد
بلاك بيري
 
جميـع الأراء المنشـورة هنـا تمثـل وجهـة نظـر اصحـابهـا ولا تمثـل بالضـرورة وجهـة نظـرعن الموقع